Wuok 19:21 - MUMA MALER 2015

²¹ Nowacho ni Musa niya, “Lor idhi isiem ji dipo ka gikadho tong’ mondo gibi ginena, nono to gibiro tho mang’eny.

Motingʼo Loko Manyien

²¹ mi Jehova Nyasaye nowachone niya, “Dhiyo kendo isiem ji mondo kik girire ni gidwaro neno Jehova Nyasaye nimar thothgi nyalo tho.

Wuok 19:21 ပူးပေါင်းရင်းမြစ်များ

Wuok 3:3

mi nowacho niya, “Nyaka adhi machiegni mondo ane ane hono maduong’ni. Ang’o momiyo bungu liel aliela to ok wang’?”

Wuok 3:5

Nyasaye nowachone niya, “Kik imed sudo machiegni, to lony wuocheni, nikech kama ichung’ieno en kama ler.”

Wuok 33:20

Nomedo wacho ni Musa ni, “To ok inyal neno wang’a, nikech onge dhano ma nyalo neno wang’a, mi pod obed mangima.”

Eklesiastes 5:1

Bed motang’ ka idhi e od Nyasaye, nimar dhiyo kuno mondo ipuonjri, ber moloyo chiwo misango ka ng’at mofuwo ma ok ong’eyo gima ber gi gima rach.

Kwan 4:15

Pile ka kambi dar, to joka Kohath nyaka bi mondo oting’ Hema Maler kod gige duto. To kik gibi ka pok Harun gi yawuote otieko umogi, bende kik gimul gimoro amora maler, nono to githo. Mago duto gin gik Hemb Romo ma joka Kohath ema ting’o.

Kwan 4:18

“Kik uwe dhood joka Kohath rum mi lal kuom jo-Lawi wetegi,

Kwan 4:19

to nyisgiuru ni ka gisudo machiegni gi gik maler, to gima onego tim mondo kik githo e ma: Harun gi yawuote ema nyaka donji mondo omi ng’ato ka ng’ato tije kod gima onego ng’atno ting’

Kwan 4:20

to joka Kohath kik donj, nikech dipo ka gigoyo wang’gi kuom gik maler, mi githo.”

Rapar mar Chik 5:5

Chutho an nachung’ e kindu gi Ruoth Nyasaye e sechego, mondo eka akownu weche Ruoth Nyasaye nikech nuluoro mach, mi ne ok uidho godno. “Ruoth Nyasaye nowacho niya,

1 Samuel 6:19

To jo-Beth-shemesh moko nong’iyo i Sanduk mar Ruoth Nyasaye, omiyo Ruoth Nyasaye nonego ji piero abiriyo kuomgi, mi ji noywak nikech kum malit mane Ruoth Nyasaye okelonigi kamano.