Wuok 19:17 - MUMA MALER 2015

¹⁷ Musa notelo ni ji ka gia e kambi gidhi romo gi Nyasaye, mi ne gichung’ e tiend got Sinai.

Motingʼo Loko Manyien

¹⁷ Eka Musa notelo ne oganda kawuok e kambi mondo orom gi Nyasaye, kendo negichungʼ e tiend got.

Wuok 19:17 ပူးပေါင်းရင်းမြစ်များ

Wuok 19:13

To ka unege, kik umule gi lwetu, to goyeuru mana gi kite kata chieleuru mana gi asere. Timuru kamano ni dhano kata ni le. To mak mana ka tung’ oywak eka ji nyalo dhi e got.’ ”

Wuok 19:16

Chieng’ mar adek, kane piny oru, polo ne mor kendo mil ewi got, bende ne nitie bor polo mapek, kendo tung’ ma ywak, mi ji duto mane nie kambi nokirni.

Wuok 19:18

Wi got duto notimo iro, nikech Ruoth Nyasaye noselorie, ka en ei mach. Iro ne dhuolore, kendo ji duto ne kirni malich.

Tim jo-Lawi 9:5

Ne gikelo gik mane Musa ochikogigo duto e nyim Hemb Romo, kendo oganda duto nosudo, mochung’ e nyim Ruoth Nyasaye.

Tich Joote 7:38

Bende en ema ne en gi jo-Israel, kochokore e thim. Ne en kuno gi kwerewa kod malaika mane owuoyo kode e got Sinai, kendo en ema noyudo weche mangima mag Nyasaye mondo onyiswa.

Rapar mar Chik 4:10

Nyaka uparnigi gik mane otimore chieng’ mane uchung’ Horeb e nyim Ruoth Nyasaye ma Nyasachu cha, ka Ruoth Nyasaye wachona ni, ‘Chokna ji e nyima ka, mondo giwinj kawuoyo kodgi, kendo gipuonjre luora e ngimagi duto.’

Rapar mar Chik 4:11

Nusudo machiegni, mi uchung’ e tiend got. Got ne wang’ gi mach matundo e polo, e mudho mandiwa gi rumbi kod ong’weng’o mopoto.

Rapar mar Chik 5:5

Chutho an nachung’ e kindu gi Ruoth Nyasaye e sechego, mondo eka akownu weche Ruoth Nyasaye nikech nuluoro mach, mi ne ok uidho godno. “Ruoth Nyasaye nowacho niya,