Wuok 19:16 - MUMA MALER 2015

¹⁶ Chieng’ mar adek, kane piny oru, polo ne mor kendo mil ewi got, bende ne nitie bor polo mapek, kendo tung’ ma ywak, mi ji duto mane nie kambi nokirni.

Motingʼo Loko Manyien

¹⁶ Chiengʼ mar adek gokinyi, polo nomil kamor, ka boche polo okwako wi got kendo turumbete noywag matek, ma ji duto mane ni e kambi notetni.

Wuok 19:16 ပူးပေါင်းရင်းမြစ်များ

2 Samuel 22:10

Nosudo polo machiegni, eka nolor, konyono rumbi molil ti.

2 Weche mag Ndalo 5:14

Jodolo ne ok nyal tiyo tijgi nikech bor polono, nimar duong’ maler mar Ruoth Nyasaye nopong’o Hekalu.

Ayub 38:25

Ng’ano mane oloso kama koth luwo, ka dwaro chue, kendo mane oloso yo ma ludh koth luwo?

Zaburi 50:3

Nyasachwa biro, to ok obi ling’ aling’a. Mach mang’ang’ni nie nyime, kendo yamb koth maratipo kudho kolwore.

Zaburi 77:18

Adier, polo noriadore malich e yamb kalausi, mi omenyo piny duto. Piny bende notetni kendo oyiengni.

Zaburi 81:8

Un joga, winjuru siem masiemougo. Mano kaka agombo ni mondo uchikna itu un jo-Israel!

Zaburi 97:4

Mil polo mare menyo piny ngima, kendo ka piny onene, to yiengni.

Wuok 19:11

To orucha nyaka gibed moikore, nikech odiechieng’no ema an Ruoth Nyasaye, nalor ewi got Sinai, kama ji duto nonenae.

Wuok 19:15

Nowachonigi niya, “Ikreuru, kendo kik uriwru gi mon, mondo orucha oyud ka usepwodhoru.”

Wuok 19:17

Musa notelo ni ji ka gia e kambi gidhi romo gi Nyasaye, mi ne gichung’ e tiend got Sinai.

Wuok 19:9

Eka Ruoth Nyasaye nowacho ni Musa niya, “Abiro biro iri ka an ei bor polo mapek, mondo awuo kodi ka ji winjo, mondo gen ma gigenigo kik rum.” Musa nonyiso Ruoth Nyasaye gima ji nodwoko.

Wuok 20:18

Kane ji duto oneno ka polo mor kendo mil, bende kane giwinjo ka tung’ ywak, kendo gineno ka got dum iro, ne gikirni, mi gichung’ gi chien.

Wuok 20:21

Ji nochung’ gi chien, to Musa kende ema nosudo machiegni gi bor polo mapek mane Nyasaye nie iye.

Wuok 40:34

mi bor polo noimo Hemb Romo, kendo duong’ maler mar Ruoth Nyasaye nopong’e.

Wuok 9:23

Kamano Musa norieyo ludhe kochomo polo, mi Ruoth Nyasaye nooro mil polo kaachiel gi pe mi polo nogoyo piny. Ruoth Nyasaye nomiyo pe ogoyo Misri malich,

Jeremia 5:22

An Ruoth Nyasaye apenjo kama: Ere gimomiyo ok unyal luora? Koso ang’o momiyo ok unyal kirni e nyima? Nene aketo kuoyo manie dhonam mondo ogeng’ nam, kendo obed tong’ mosiko ma pi ok nyal kadho. Apaka mag nam nyalo gingore, kendo wuo matek, to ok nyal kadho, kata mwomo.

Nahum 1:3

Iye ok wang’ piyo, to en gi teko mathoth. Chutho ok onyal weyo joricho mak okumo. En gi yore moluwo ei kalausi kendo ei ahiti, bende boche polo e buru monyono.

Mathayo 24:31

Enoor malaikane e tung’ piny gi tung’ piny, ka tung’ ywak matek, mondo ochok joge ma oseyiero, chakre e tung’ piny konchiel nyaka komachielo.

Rapar mar Chik 5:5

Chutho an nachung’ e kindu gi Ruoth Nyasaye e sechego, mondo eka akownu weche Ruoth Nyasaye nikech nuluoro mach, mi ne ok uidho godno. “Ruoth Nyasaye nowacho niya,

Jo-Hibrania 12:21

Gima ne ginenono ne lich mokadho, omiyo Musa nowacho niya, “Luoro omaka, kendo atetni.”

Fweny 1:10

To chieng’ Ruoth, Roho ne omaka, mi awinjo dwol maduong’ maywak ka tung’ ka wuoyo gi yoka ng’eya.

Fweny 11:19

Eka Hekalu mar Nyasaye manie polo noyawore, kendo Sandug Muma nonenore e Hekalu, mi polo omil kakakni ka mach. Dwol moko makok matek nowinjore, kendo polo nomor, bende piny noyiengni, kendo pe nochue mang’eny.

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”

Fweny 4:5

Mil polo makakni ne wuok e kom duong’no, kendo dwol moko bende ne winjore, kaachiel gi mor polo. To e nyim komno ne nitie teyni abiriyo maliel. Gin e Roho abiriyo mag Nyasaye.

Fweny 8:5

Malaika nokawo tap ubani mi ogangoe mach mane okawo kuom kendo-mar-misango, bang’e nobolo majno piny. Bang’ mano, polo nomor kariadore matek, kendo duol moko nowinjore, bende polo nomil, kendo piny noyiengni.