Wuok 19:13 - MUMA MALER 2015

¹³ To ka unege, kik umule gi lwetu, to goyeuru mana gi kite kata chieleuru mana gi asere. Timuru kamano ni dhano kata ni le. To mak mana ka tung’ oywak eka ji nyalo dhi e got.’ ”

Motingʼo Loko Manyien

¹³ Ngʼatno nyaka chiel gi kite, kata chwowe gi asere; to kik ngʼato angʼata ket lwete kuome. Bed ni en dhano kata le, ok noweye mondo obed mangima.’ To ji nyalo idho godno mana ka tungʼ oywak kuom thuolo malach.”

Wuok 19:13 ပူးပေါင်းရင်းမြစ်များ

Wuok 19:14

Musa nolor oa e got, moduogo ir ji. Nopwodhogi, kendo ne gilwoko lepgi.

Wuok 19:16

Chieng’ mar adek, kane piny oru, polo ne mor kendo mil ewi got, bende ne nitie bor polo mapek, kendo tung’ ma ywak, mi ji duto mane nie kambi nokirni.

Wuok 19:17

Musa notelo ni ji ka gia e kambi gidhi romo gi Nyasaye, mi ne gichung’ e tiend got Sinai.

Wuok 19:19

Ywak tung’ nomedore kendo e kinde ka kinde mane Musa wuoyo, Nyasaye ne dwoke gi mor polo.

Wuok 34:3

Ng’ato kik idh kodi kuno, bende ng’at moro kik bed kamoro amora ewi godno, kata mana jamni kik kwa e alwora ne.”

1 Jo-Korintho 15:52

ahucha ka diemo wang’, ka tung’ mogik oywak, nimar ka oywak to joma otho nochier gi ringruok ma ok tow, kendo wan bende nolokwa,

1 Jo-Thesalonika 4:16

Chieng’no dwol moro nogol chik, kendo dwond malaika maduong’ nowinji, kendo tung’ mar Nyasaye noywagi, kendo Ruoth owuon nolor koa e polo. Eka joma notho koyie kuom Kristo nochier mokwongo.

Jo-Hibrania 12:20

Luoro nomakogi nikech chik mane omigi ni, kata mana le kogere e godno to nyaka go gi kite, mi tho.

Jong’ad Bura 20:37

Joma nobutogo nowuok mothinyore Gibea koni gi koni, mi ginego ji duto mane nie dalano.