Wuok 19:12 - MUMA MALER 2015

¹² Nyaka iket tong’ molworo got, kendo iwach ni ji niya, ‘Neuru ni ok uidho got, kata mana nyono tike. Ka ng’ato omulo got, to nyaka nege.

Motingʼo Loko Manyien

¹² Ket tongʼ ne oganda molworo got kendo nyisgi ni, ‘Beduru motangʼ mondo kik ngʼato idh got kata mulo tie got, nimar ngʼato angʼata mochopo e tiend godni to nyaka negi.

Wuok 19:12 ပူးပေါင်းရင်းမြစ်များ

Wuok 10:28

Nowacho ni Musa niya, “Aye e wang’a! To bende kik ichak inena, nikech chieng’ minenae kendo to nitho!”

Wuok 19:21

Nowacho ni Musa niya, “Lor idhi isiem ji dipo ka gikadho tong’ mondo gibi ginena, nono to gibiro tho mang’eny.

Wuok 19:23

To Musa nodwoko Ruoth Nyasaye ni, “Ji ok nyal biro ewi got Sinai ku, nikech in iwuon ema nisiemowa matek, kichikowa ni mondo waket tong’ ni got mondo wawalego, osik maler.”

Wuok 24:2

In kendi, Musa, ema nichop machiegni koda. Jomokogo ok nosud ira, to bende onge ng’ato ang’ata ma noidh kodi ku.”

Wuok 34:12

Ritreuru mondo une ni ok utimo winjruok moro gi jopiny mudhiyeno, nono to gilokorenu obadho.

Wuok 34:3

Ng’ato kik idh kodi kuno, bende ng’at moro kik bed kamoro amora ewi godno, kata mana jamni kik kwa e alwora ne.”

Rapar mar Chik 2:4

To wach ni ji kama: “Bang’ kinde manok ubiro ng’ado e piny joweteu ma nyikwa Esau modak Seri.

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Jo-Hibrania 12:18

Un ok uchal gi jo-Israel machon. Ok uchung’ e nyim gima unyalo mulo, kaka ne gichung’ e nyim got Sinai, kama mach kaknie, gi mudho mandiwa kod ong’weng’o, gi kalausi mager,

Joshua 3:4

Kuluwe kamano, eka unung’e yo monego uluw, nimar yandi pok ubiro koni. To kik usud machiegni kode; weuru thuolo ma dirom ondamo alufu achiel.”