Wuok 19:10 - MUMA MALER 2015

¹⁰ Ruoth Nyasaye nowacho ni Musa niya, “Dhiyo, ipwodh ji kawuono gi kiny kendo inyisgi gilwok lepgi.

Motingʼo Loko Manyien

¹⁰ Kendo Jehova Nyasaye nowacho ne Musa niya, “Dhi ir oganda mondo ipwodhgi kawuono gi kiny. Ketgi giluok lepgi

Wuok 19:10 ပူးပေါင်းရင်းမြစ်များ

Chakruok 35:2

Omiyo Jakobo nowacho ni joode kod joma nodak kode niya, “Goluru nyiseche mag pinje mamoko ma un go. Pwodhreuru, kendo rwakuru lewni maler.

2 Samuel 19:24

Mefibosheth nyakwar Saulo nobiro romo ni ruoth. To ne pok olwoko tiende, kata golo yie tike, kata mana lwoko lepe chakre chieng’ mane ruoth owuokie, nyaka chieng’ mane oduogoe koselocho.

2 Weche mag Ndalo 29:34

Jodolo ne nok ahinya, mane ok nyal yang’o jamni mitimogo misengni miwang’o pep, emomiyo jowetegi ma jo-Lawi nokonyogi tich nyaka jodolo moko notieko pwodhore. Jo-Lawi ne jokinda kuom tich pwodhruokgi moloyo jodolo.

2 Weche mag Ndalo 29:5

mi nowachonigi niya, “Winjuru un jo-Lawi! Pwodhreuru, kendo upwodh Od Ruoth Nyasaye ma Nyasach kwereu, kugolo chilo man Kama Ler.

Ayub 1:5

Kane sawo ka sawo oserumo, Ayub ne chiew gokinyi mang’ich, kendo timo misango mondo opwodhgo nyithinde. Ne otimo kamano pile, koparo ni dipo ka achiel kuomgi oketho kuom yanyo Nyasaye gi chunye.

Tim jo-Lawi 11:25

Ng’at moting’ogi ka gisetho nyaka lwok lepe, to nosik kogak nyaka odhiambo.

Tim jo-Lawi 15:5

ng’ato ang’ata momulo kitandano nyaka lwok lepe, kendo lwokre, to nosik kogak nyaka odhiambo.

Kwan 11:18

To nyis jo-Israel duto kama: ‘Pwodhreuru nikech kiny unucham ring’o. Ne uywakna ka upenjo ni, “Ere ng’ama nyalo miyowa ring’o?” Kendo kuwacho ni, “E piny Misri ne wadakie maber.” Koro Ruoth Nyasaye biro miyou ring’o, kendo ubiro chamo!

Kwan 19:19

Ng’at ma ok ogak nyaka kir pigno kuom ng’at mogak chieng’ mar adek gi chieng’ mar abiriyo, mi chieng’ mar abiriyo nodok mopwodhore kuom gakne. Nolwok lepe, kendo nolwokre, eka nobed maler ka chieng’ opodho.

Kwan 31:24

Chieng’ mar abiriyo nyaka ulwok lepu, mi ubed maler, eka bang’e unyalo duogo e kambi.”

Kwan 8:21

Jo-Lawi nopwodhre kuom richogi, kendo olwoko lepgi eka Harun nochiwogi e nyim Nyasaye ka mich moyiedhi kendo mitimogo misango mipwodhogo richo mondo gibed maler.

Kwan 8:7

To ma e kaka nipwodhgi: Kir kuomgi pi mapwodho richo. Nyaka giliel dendgi duto, kendo gilwok dendgi, mi gidok mopwodhore.

1 Jo-Korintho 6:11

To kamano e kaka moko kuomu ne chalo! To koro osepwodhu kuom richo, kendo owalu ubed jo-Nyasaye, bende osemi ubet e winjruok gi Nyasaye e nying Ruoth Yesu Kristo, kendo kuom teko mar Roho mar Nyasachwa.

Jo-Hibrania 10:22

wasuduru ir Nyasaye gi chuny maradier, kendo ka wan gi yie motegno, bende ka chunywa manyisowa ni wan joketho opwodhi, kendo ka ringrewa olwoki gi pi maliw.

Joshua 3:5

Joshua nowacho ni ji niya, “Pwodhreuru nikech kiny Ruoth Nyasaye notimnu hono maduong’.”

Joshua 7:13

“A malo! Luong ji duto, kendo chikgi mondo gipwodhre ka giikore ni gima kiny notimre. Nyisgi ni Ruoth Nyasaye ma Nyasach Israel owacho ni gisekawo gik mokwer, omiyo kapok gigolo gigo kuomgi, to ok ginyal siro wasikgi.

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.

1 Samuel 16:5

Nodwokogi niya, “Ee, abiro gi kue, ni mondo atim misango ni Ruoth Nyasaye. Pwodhreuru mondo wadhi kar misango.” To Jesse gi yawuote, Samuel owuon ema nopwodho, moluongogi e misango.