Wuok 18:8 - MUMA MALER 2015

⁸ Musa nonyise duto mane Ruoth Nyasaye osetimo ni Farao, kendo ni jo-Misri, nikech nohero jo-Israel. Bende nonyise thagruok mane giyudo e yo, kendo kaka Ruoth Nyasaye noresogi.

Motingʼo Loko Manyien

⁸ Musa nonyiso jaduongʼne gik moko duto ma Jehova Nyasaye notimone Farao kaachiel gi jo-Misri, nikech jo-Israel. Bende nonyise chandruok duto mane giseyudo e yo kendo kaka Jehova Nyasaye noseresogi.

Wuok 18:8 ပူးပေါင်းရင်းမြစ်များ

Chakruok 44:34

Ere kaka dadog ir wuora nono, ka aonge kode? Ok danyal neno masira ma doyudno.”

Nehemia 9:32

“A Nyasachwa man gi teko, in e Nyasaye maduong’ kendo malich, ma rito singruokne gi adiera. Omiyo koro kik ikaw masiche mwanenogi mayot, nikech ruodhiwa gi jodongwa gi jodolowa gi jonabiwa gi kwerewa kod jogi duto osethagore, chakre ndalo loch ruodhi mag Asuria nyaka chil kawuono.

Zaburi 106:10

Kamano ne oresogi kuom jogo mane mon kodgi. Adier, nokonyogi e lwet wasikgi.

Zaburi 106:8

To kata kamano, ne oresogi kaka ne osesingore, mondo onyisgo tekone maduong’!

Zaburi 107:2

Konyauru pako Ruoth Nyasaye un duto ma osewaro. Osekonyou e teko wasiku,

Zaburi 66:16

Un ji duto muluoro Nyasaye, biuru mondo anyisu gik ma osetimona.

Zaburi 81:7

Kane un e thagruok, to ne uluonga, mi akonyou. Ne adwokou gie boche polo mapondoe, kendo ne amiyou tem e sokni mag Meriba.

Wuok 15:16

Luoro gi kihondko omakogi, mi gichung’ achung’a ka siro, nikech duong’ mar tekoni. A Ruoth Nyasaye, gichung’ kamano, nyaka joma iloko jogi kadhi.

Wuok 15:6

“A Ruoth Nyasaye, badi ma korachwich nigi teko maduong! Oturo wasiki matindotindo.

Wuok 16:3

ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”

Wuok 18:1

Jethro jadolo mar Midian, kendo jaduong’ Musa, nowinjo gik moko duto mane Nyasaye osetimo ni Musa gi jo-Israel, kendo kaka Ruoth Nyasaye nogologi Misri.

Wuok 2:25

Noneno kaka jo-Israel thagore, mi wachno nodonjone malit!

Wuok 23:23

Malaikana notel e nyimu, kendo noteru e piny ma jo-Amor gi jo-Hiti gi jo-Perizi gi jo-Hivi kod jo-Jebus odakie, mi anatiek ogendinigo.

Wuok 4:23

Nawachoni ni mondo iwe wuoda odhi olama, to nidagi, omiyo koro abiro nego wuodi makayo.’ ”

Wuok 7:4

To kata kamano Farao ok nowinju. Omiyo anasand Misri gi timbe madongo kakumo jo-Misri malich, mi nagol joga ma jo-Israel e Misri, kochan-gi e dhoutgi.

Wuok 7:5

Kamano jo-Misri nong’e ni an e Ruoth Nyasaye, katimonigi timbe madongo, kendo kagolo jo-Israel kuomgi.”

Kwan 20:14

Kane jo-Israel ni Kadesh, Musa nooro joote ir ruodh Edom, kowacho niya, “Owadu Israel owacho kama: Ing’eyo malong’o chandruok duto mwaseyudo,