Wuok 18:7 - MUMA MALER 2015

⁷ Musa nowuok, modhi romone. Nokulorene, kendo onyodhe, mi gimosore. Kane gisedonjo e hema,

Motingʼo Loko Manyien

⁷ Kuom mano Musa nowuok mondo orom ni jaduongʼne mi nokulore piny kendo onyodhe. Ne gimosore eka bangʼe gidonjo ei hema.

Wuok 18:7 ပူးပေါင်းရင်းမြစ်များ

Chakruok 14:17

Kane Abram oduogo bang riembo Kedor-laomer kod ruodh mane oriwore kode, ruodh Sodom nobiro mondo oromne e holo Shave ma tinde iluongo ni holo Ruoth.

Chakruok 18:2

To kane oting’o wang’e nopo koneno ji adek mochung’ e nyime. Noringo kodhi romonigi, kendo nogoyo chonge piny, mokulore nyaka e lowo.

Chakruok 19:1

Malaika ariyogo nochopo Sodom kar ang’ich welo, moyudo ka Lut obet e dhoranga dalano. Kane onenogi, nodhi mondo oromnigi, mi nogoyo chonge piny e nyimgi, mokulore nyaka e lowo.

Chakruok 29:13

To kane Laban owinjo ni Jakobo wuod nyamin obiro, nodhi piyopiyo mondo oromne. Nokwake monyodhe, eka nokele dala, bang’e Jakobo nonyiso Laban gik moko duto mane osetimore,

Chakruok 31:28

Bende ne ok iweyo agoyo oriti ni nyiga gi nyikwaya. Kuom mano isetimo gima ofuwo.

Chakruok 43:26

Kane Josef oduogo e ode, ne gimiye chiwo mane gisekelonego, kendo ne gikulore piny e nyime.

Chakruok 45:15

Bang’ mano nonyodho owetene duto, kendo noywak kokwakogi. Eka owetene nowuoyo kode.

Chakruok 46:29

Josef nokawo gache modhi kuno, romo ni Israel wuon mare. Kane oneno wuon mare, nokwake moywak aming’a.

2 Samuel 11:7

To kane Uria obiro, Daudi nopenje ka Joab gi jolweny jongima, kendo ni lweny dhi nadi.

1 Ruodhi 2:19

Omiyo Bathsheba nodhi ir ruoth Solomon mondo okwaye gima Adonija dwaro. Ruoth nochung’ ka dhi romo ni min, mokulorene. Eka nobet e kom duong’ne, kendo nochiko jotich mondo okel kom ni min mare, mondo obed e bade korachwich.

Zaburi 2:12

kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.

Wuok 18:6

Noter ne Musa wach ni, “Jaduong’ni Jethro biro iri gi chiegi kod yawuoti.”

Wuok 33:7

Musa ne thoro golo hema e kambi kendo guro oko mochwalore. Nochake ni Hemb Romo, kendo ng’ato ang’ata mane dwaro penjo Nyasaye wach ne dhi kanyo.

Wuok 4:27

E ndalogo Ruoth Nyasaye nowacho ni Harun niya, “Dhiyo e thim mondo irom ni Musa.” Nodhi moromo kode e god Nyasaye, kendo nonyodhe.

Kwan 22:36

Kane Balak owinjo ni Balaam biro, nowuok modhi nyaka Ar e piny Moab but aora Arnon manie tong’ pinye, mondo oromne.

Luka 7:45

In, ka nende irwaka, to ne ok imosa kinyodha. En to osiko konyodho tienda nyaka nende abi ka.

Tich Joote 20:37

Ne giywak ahinya giduto mi gipodho kuome, kendo gigoyone oriti ka ginyodhe.

Tich Joote 28:15

Owete man kuno nowinjo wachwa, mi obiro oromonwa, ka moko chopo nyaka Chiro mar Apio, to moko nyaka kamoro miluongo ni Tres Tabernae, tiende ni Udi Adek Mibuoroe. Kane Paulo onenogi, nogoyo ni Nyasaye erokamano, kendo chunye noduogo.

Jong’ad Bura 11:34

Kane Jeftha odok dalagi Mizpa, nopo koneno nyare ka ema biro romone, kagoyo thum kendo miel. Mano nene e nyathine kende. Noonge gi wuowi kata nyako machielo.

1 Samuel 17:18

Modhi mong’in apargi bende ter ni jaduong’gi mar lweny. Dhi ine kaka oweteni obet, kendo iduogna wach ma kuomgi.

1 Samuel 17:22

Daudi noweyo gik mane oting’o ni jarit misike, moringo odhi ir jolweny, kendo omoso owetene.