Wuok 18:4 - MUMA MALER 2015

⁴ Bende nosewacho niya, “Nyasach wuora en jakonyna mane oresa ka Farao dwaro nega.” Omiyo nochako wuode machielo ni Eliezer, (tiende ni, Nyasaye en Jakonyna).

Motingʼo Loko Manyien

⁴ to machielo nochako ni Eliezer nimar nowacho niya, “Nyasach wuonwa ema ne jakonyna, ne oresa kane Farao dwaro nega gi ligangla.”

Wuok 18:4 ပူးပေါင်းရင်းမြစ်များ

Chakruok 49:25

Nyasach wuoruno, ma Nyasaye Manyalo Gik Moko Duto, mondo okonyi, kendo oguedhi gi koth moa malo, kendo gi nyithindo, kod chak ma gidhodho,

1 Weche mag Ndalo 23:15

Yawuot Musa ne Gershom kod Eliezer.

1 Weche mag Ndalo 23:17

to kuom joka Eleazer, Rehabia ema notelo. Eleazer ne onge yawuowi moko, to Rehabia wuode nonywolo yawuowi mang’eny.

Zaburi 18:1

A Ruoth Nyasaye, aheri ahinya! In e jaritna. In e tekona, kendo in e jakonyna.

Zaburi 18:48

kendo koresa kuom wasika. En e ruoth Nyasaye mane omiyo aloyo joma ne piem koda, kendo mane ogola kuom jomahundu.

Zaburi 34:4

Ne aywak ni Ruoth Nyasaye, mi odwoka, kendo ne otiekona luoro duto mane omaka.

Zaburi 46:1

Nyasaye e kar konyruokwa, kendo e tekowa. En e jakonywa e kinde mag chandruok.

Wuok 10:28

Nowacho ni Musa niya, “Aye e wang’a! To bende kik ichak inena, nikech chieng’ minenae kendo to nitho!”

Wuok 2:15

Farao nowinjo gima notimore, motemo mondo oneg Musa, to Musa noringo mondo odhi odag e piny Midian. Kane ochopo e pinyno, nobet e dho soko moro.

Wuok 2:22

Zipora nonywolo ni Musa wuowi, mi Musa nochako ni Gershom, (tiende ni jadak ka). Nochake kamano nikech noneno ni osedoko jadak e piny ma ok margi.

Wuok 4:20

Mi Musa nokawo chiege gi nyithinde, kendo noketogi e kanyna, modok Misri, koting’o luth mane Nyasaye omiye.

Daniel 6:22

Nyasaye oseoro malaikane, mi omako dho sibuoche mondo kik hinya. Osetimo kamano nikech ong’eyo ni aonge gi ketho, to bende nikech pok atimo gimoro marach e nyimi ruoth.”

Tich Joote 12:11

Bang’ mano, Petro nofwenyo gima osetimorene, mowacho ni, “Koro ang’eyo ni en adier! Ruoth Nyasaye oseoro malaikane moresa kagola e teko Herode, kendo kuom gik moko duto mane jo-Yahudi dwaro timona.”

Tich Joote 7:29

Kane Musa owinjo kamano, noringo oa Misri, mi odhi odak e piny Midian, kendo kane en kuno nonywolo yawuowi ariyo.

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.

Jo-Hibrania 11:34

Yie ema ne omiyo giumo dho sibuoche, kendo ginego gero mar mach, bende gitony e lweny. Kata obedo ni ne gin joma nyap, to yie nomiyo gibedo joma rateke, kendo gidoko joma ger e lweny, mi giriembo jolweny mane oa e pinje mamoko.

Jo-Hibrania 13:6

Mano emomiyo wanyalo wacho gi chir niya, “Ruoth e jakonyna, emomiyo ok nabed maluor. Ere gima dhano ditimna?”