Wuok 18:25 - MUMA MALER 2015

²⁵ Noyiero joma riek kuom jo-Israel duto, moketogi jotelo mag ji alufu achiel achiel, gi mag ji mia mia, gi mag ji piero abich abich, kod mag ji apar apar.

Motingʼo Loko Manyien

²⁵ Noyiero joma riek kuom jo-Israel duto mi noketogi jotelo mag ji alufu alufu, mia mia, piero abich abich, kod apar apar.

Wuok 18:25 ပူးပေါင်းရင်းမြစ်များ

Chakruok 47:6

piny Misri duto ni e lweti. Ketgi gidag kama berie moloyo. Ginyalo dak e piny Goshen, kendo king’eyo ni jomoko kuomgi gin jokwath molony, to ketgi mondo girit jamba.”

2 Samuel 18:1

Daudi nochano joma ne ni kode, kendo noyieronigi jotelo madongo gi matindo.

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Wuok 18:24

Musa nowinjo wach jaduong’ne, motimo kaka nowachone.

Kwan 1:16

Mago ne jotelo mochung’ ni oganda duto e dhoutgi, kendo ne gin jodongo mag dhout Israel.

Kwan 1:4

Nyaka okaw ng’ato achiel ma jatelo e dhoot ka dhoot mondo okonyu e tijno.

Kwan 11:16

Ruoth Nyasaye nodwoko Musa niya, “Chok jodong Israel piero abiriyo ma ing’eyo ni jotend oganda. Kelgi e nyima e Hemb Romo kendo gichung’ kodi kanyo.

Tich Joote 6:5

Jopuonjre duto nodoko mamor gi wach jooteno, omiyo ne giyiero Stefano, mane ng’at man gi yie motegno, kendo opong’ gi Roho Maler. Bende ne giyiero Filipo gi Prokoro gi Nikanor gi Timon gi Parmena kod Nikalao ja-Antiokia, mane olokore luwo kit lemo mar jo-Yahudi.

Rapar mar Chik 1:15

Omiyo nakawo ji man gi rieko kendo molony, maketo mondo oritu. Moko kuomgi naketo jotend ji gana, to moko jotend ji mia mia, to moko jotend ji piero abich abich, kod ji apar apar, kendo moko bende naketo jotelo mopogore opogore e dhoutu duto.