Wuok 18:21 - MUMA MALER 2015

²¹ To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Motingʼo Loko Manyien

²¹ To nyaka iyier joma niginyalo ma gin ji moluoro Nyasaye, joma ogen ma ok kaw asoya, kendo iketgi gibed jotend ji maromo alufu alufu, mia mia, piero abich abich, kod apar apar.

Wuok 18:21 ပူးပေါင်းရင်းမြစ်များ

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

Chakruok 42:18

Chieng’ mar adek Josef nowacho ni owetene niya, “An ng’at moluoro Nyasaye, omiyo unyalo kwo kutimo kaka awacho.

Chakruok 47:6

piny Misri duto ni e lweti. Ketgi gidag kama berie moloyo. Ginyalo dak e piny Goshen, kendo king’eyo ni jomoko kuomgi gin jokwath molony, to ketgi mondo girit jamba.”

2 Samuel 18:1

Daudi nochano joma ne ni kode, kendo noyieronigi jotelo madongo gi matindo.

2 Samuel 23:3

Nyasach Jakobo, lwanda mar Israel, oseloso, kowacho niya, ‘Ka ruoth rito ji gi bura makare, nikech oluoro Nyasaye,

1 Ruodhi 18:12

To kwasewere kodi, to Roho mar Ruoth Nyasaye biro teri kuma ok ang’eyo. Omiyo, ka adhi, ma anyiso Ahab ni in ka, mi obiro to ok onwang’i, enonega. To jaduong’, aseluoro Ruoth Nyasaye, chakre tinna.

1 Ruodhi 18:3

omiyo Ahab noluongo Obadia, ma jaduong’ ode. (Obadia ne en ng’at moluoro Ruoth Nyasaye ahinya,

Ezra 7:25

“To in Ezra, kuom rieko ma Nyasachi osemiyi, yier jong’ad bura mondo oyal jogi duto man e piny man loka Yufrate, mong’eyo chik Nyasachi. To jogo ma ok ong’eyo chikego, to mondo upuonji.

Nehemia 5:9

Eka nadhi nyime kawachonigi niya, “Gima utimo rach! Owinjore ubed joma oluoro Nyasaye ahinya, mondo ogendini ma wasikwa kik yud thuolo mar charowa.

Nehemia 7:2

Bende naketo Hanani owadwa gi Hanania mane jatend kama ochiel motegno, mondo jobed jotend Jerusalem. Nayiero Hanania nikech ne en ng’at mogen kendo moluoro Nyasaye moloyo joma moko duto.

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Ayub 29:16

to jochan ne abedonigi ka wuon-gi, kendo ne adok ni jodak ka ni e chandruok.

Ayub 31:13

Pile kane achiel kuom jotichna oywakna, to ne awinje mi atimne gima kare.

Zaburi 15:1

A Ruoth Nyasaye, ere ng’ama onego odag e Hekalu mari? Koso en ng’a monego bed e godi maler?

Zaburi 15:5

Oholo gik moko, to ok okawie ohala, kendo ok ocham asoya mondo oketh buche joma onge ketho. Ng’at ma timo gigo duto ok nopodhi.

Wuok 17:9

Mi Musa nowacho ni Joshua niya, “Yier jomoko mondo kiny udhi ukednwago gi jo-Amalek. An to abiro chung’ ewi got kating’o luth mane Nyasaye omiya.”

Wuok 18:25

Noyiero joma riek kuom jo-Israel duto, moketogi jotelo mag ji alufu achiel achiel, gi mag ji mia mia, gi mag ji piero abich abich, kod mag ji apar apar.

Ngeche 28:2

Piny nyalo bedo mogurore kendo motegno ka nitie jotelo mariek. To ka richo nie piny, to jotelo ok ti aming’a.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Isaya 16:5

to kom loch nogur kuom ng’wono mar Nyasaye, kendo jang’ad bura mar adier ma nyakwar Daudi ema nobed e komno. Enobed ng’at madwaro mana adiera, kendo ma timo gik makare mak odeko.

Isaya 33:15

Ng’atno nyaka bed mana ng’at ma timbene oriere, kendo ma wacho adiera, bende ma ok dwar mwandu miyudo gi malang’, kendo ma riembo asoya kucha, bende ma dino ite ni weche mag chwero remo, kendo ma umo wang’e ni timbe mamono.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Jeremia 5:1

Un jo-Jerusalem, wuothuru e yore mag dalau kendo e chirniu, mondo une ane ka nitie kata ng’at achiel makare mohero adiera. Kuyudo, to Ruoth Nyasaye nowe ni jodalano richogi.

Ezekiel 18:8

Ok ohol pesa mondo oyudie ohala, bende odagi timo timbe mamono, kendo ong’ado bura kare e gimoro amora ma ji yalo.

Ezekiel 22:12

Jomoko kuomu chuero remo mana ni mondo oyud pesa. To moko bende okawo ohala kuom pesa ma giholo jo-Israel wetegi, kendo gidoko momew e yor wuond. Wiu osewil koda. An Ruoth Nyasaye ema awacho kamano.

Zekaria 7:9

“An Ruoth Nyasaye ne awacho niya, ‘Ng’aduru bura kare, ka ng’ato ka ng’ato miyo wadgi luor kendo timone ng’wono.

Zekaria 8:16

To gik ma onego utim e magi: Ng’ato ka ng’ato nyaka wach mana adiera kende ni wadgi, kendo nyaka uyal bura kare, kendo gi adiera, mondo kue obedie.

Kwan 1:16

Mago ne jotelo mochung’ ni oganda duto e dhoutgi, kendo ne gin jodongo mag dhout Israel.

Kwan 1:4

Nyaka okaw ng’ato achiel ma jatelo e dhoot ka dhoot mondo okonyu e tijno.

Kwan 10:4

To ka tung’ achiel kende ema oywak to jodongo ma jotend dhout Israel kende ema nobi.

Luka 18:2

Nowachonigi niya, “Jang’ad bura moro ma ok oluoro Nyasaye, kendo ma ok odewo ji, ne odak e dala moro.

Luka 18:4

Kuom kinde mang’eny jang’ad burano notamore winjo wachne, to bang’e achien nowacho e chunye niya, ‘Kata obedo ni ok aluoro Nyasaye, kendo ok adew ji kamano,

Tich Joote 20:33

Ne ok agombo fedha kata dhahabu kata law ng’ato.

Tich Joote 6:3

Omiyo owetewa, yieruru ji abiriyo kuomu mung’eyo ni riek kendo ogen, bende mopong’ gi Roho Maler, mondo waket e tijni.

Rapar mar Chik 22:18

Jodongogo nyaka chwad ng’atno,

1 Timotheo 3:3

Kik obed jakong’o, kata ng’at mohero goruok, to nyaka obed ng’at mamuol ma ok ohero dhaw, bende ma ok ohero pesa.

Joshua 22:14

mi nodhi gi jotelo apar mag dhout Israel ka moro ka moro ochung’ ni dhoot ka dhoot.

1 Samuel 8:12

Enoketgi jodong lweny madongo gi matindo, kendo noket jomoko mondo opur puothene, mi gika chambe, kendo moko nolos gige mag lweny gi gik moko mag gechene.

1 Samuel 8:3

Yawuotego ne ok oluwo timbene, to ne giketho bura, ka gibaro kuom dwaro mwandu malang’, kendo kuom chamo asoya.