Wuok 18:20 - MUMA MALER 2015

²⁰ Bende onego ipuonjgi chike kod buche, kendo inyisgi yore monego giluw, kod gik monego gitim.

Motingʼo Loko Manyien

²⁰ Puonjgi buche kod chike duto kendo nyisgi kaka onego gidagi kod tije monego gitim.

Wuok 18:20 ပူးပေါင်းရင်းမြစ်များ

Zaburi 143:8

Nyisa herani mosiko gokinyi, nimar ageno kuomi, yaye Ruoth Nyasaye. Bende nyisa yo monego aluw, niikech kuomi ema aketoe chunya duto.

Zaburi 32:8

Ruoth Nyasaye wacho niya, “Abiro nyisi yo ma onego iluw. Adier, abiro puonji kendo abiro ng’adoni rieko.

Wuok 18:16

Ka ng’ato odonjo ni wadgi, to gikelo wachno ira mondo ang’ad buchgi. To bende anyiso ji buche gi chike mag Nyasaye.”

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Jeremia 42:3

Lemnwa mondo Ruoth Nyasachi onyiswa yo ma onego waluw, kendo gima onego watim.”

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Ezekiel 3:17

ka wachona niya, “Wuod dhano, adwaro mondo aketi jarit mar oganda Israel. Tiji biro bedo siemogi gi siem moro amora mamiyi.

Mika 4:2

Giniwach niya, “Waidhuru god Ruoth Nyasaye mondo wadhi e Hekalu mar Nyasach Israel. Enopuonjwa yorene, mi wanaluwgi.” Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Mariko 13:34

Gik ma notimre chalo gi gik matimore ka ng’ato odhi wuoth kuma bor, to oweyo ni jotichne tich ma ng’ato ka ng’ato onego oti, kendo onyiso jarit rangach mondo onen.

Rapar mar Chik 1:18

Chieng’ onogo bende nachikou kuom gik moko duto monego utim.

Rapar mar Chik 4:1

Musa nomedo wacho niya, “To koro, un jo-Israel, winjuru chike gi buche ma apuonjou, kendo umak, eka unubed mangima kendo unudonj e piny ma Ruoth Nyasaye ma Nyasach kwereu nomiu, mudagie.

Rapar mar Chik 4:5

Asepuonjou chike gi buche kaka Ruoth Nyasaye ma Nyasacha nochika. Mago duto nyaka urit e piny mudhi donjoe, kendo kawo.

Rapar mar Chik 5:1

Musa noluongo jo-Israel duto mowachonigi niya, “Un jo-Israel winjuru chike kod buche ma awacho kuwinjo kawuononi. Puonjreuru, kendo uritgi maber.

Rapar mar Chik 5:27

In ema inyalo sudo machiegni mondo iwinj weche duto ma Ruoth Nyasaye ma Nyasachwa dhi wacho. Bang’e iduog iwachnwa gigo duto mowachoni, eka wanawinjgi, kendo wanamakgi.’

Rapar mar Chik 7:11

Nyaka umak chikene gi buchene ma amiyou kawuononi, kendo uritgi.

1 Jo-Thesalonika 4:1

To koro mogik, owetewa, wan kod gimoro achiel monego wakwau kaka jo-Kristo wetewa. Wakwayou ni mondo ngimau obed moluwore gi puonj mane wamiyou. Ne wanyisou kaka onego uwuothi mondo ubed malong’o ni Nyasaye, kendo adier mano e kaka uwuotho, to kata kamano wajiwou mondo umed timo kamano moloyo.

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.