Wuok 18:19 - MUMA MALER 2015

¹⁹ We ang’adni rieko, mondo Nyasaye okonyi. In onego ibed jachung’ ni ji e nyim Nyasaye, kiterone ywakgi.

Motingʼo Loko Manyien

¹⁹ Chik iti mondo angʼadni rieko kendo Nyasaye obed kodi. Onego ibed jachungʼ jogi e nyim Nyasaye kendo iter larruokgi e nyime.

Wuok 18:19 ပူးပေါင်းရင်းမြစ်များ

Chakruok 39:2

To Ruoth Nyasaye ne ni kod Josef, mi noguedhe e yorene duto. Nodak e od ruodhe ma ja-Misrino.

2 Samuel 14:17

Bende naparo niya, ‘Wach ruoth ema nyalo miya kue, nikech ruoth chalo malaika mar Nyasaye mapogo gima ber gi gima rach.’ Ruoth Nyasaye ma Nyasachi mondo obed kodi.”

Wuok 18:15

Musa nodwoke niya, “Nyaka atim kamano, nikech ji biro ira mondo ong’e gima Nyasaye dwaro.

Wuok 18:20

Bende onego ipuonjgi chike kod buche, kendo inyisgi yore monego giluw, kod gik monego gitim.

Wuok 18:24

Musa nowinjo wach jaduong’ne, motimo kaka nowachone.

Wuok 20:19

Ne giwacho ni Musa niya, “In ema mondo iwuo kodwa, to wabiro winjo wachni. To ka Nyasaye ema owuoyo kodwa, to wabiro tho.”

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Wuok 4:12

Emomiyo koro dhiyo! Anakonyi wuoyo, kendo ananyisi gima onego iwachi.”

Wuok 4:16

Harun biro wuoyo gi ji kari, nimar en ema nobedni ka dhogi, to in ema nibedne ka Nyasaye, kinyise gima onego owachi.

Ngeche 9:9

Bende kipuonjo ng’at man gi rieko, to omedo bedo mariek. Chutho, kinyiso ng’at makare gimoro, to omedo mana puonjore.

Kwan 27:5

Kuom mano Musa notero wachgi e nyim Ruoth Nyasaye,

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Rapar mar Chik 20:1

“Kudhi kedo gi wasiku, muneno ogandagi ka duong’ moloyo maru, kendo nigi farese kod geche lweny, to kik uluorgi, nimar Ruoth Nyasaye ma Nyasachu ma nogolou Misri ni kodu.

Rapar mar Chik 5:5

Chutho an nachung’ e kindu gi Ruoth Nyasaye e sechego, mondo eka akownu weche Ruoth Nyasaye nikech nuluoro mach, mi ne ok uidho godno. “Ruoth Nyasaye nowacho niya,

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”