Wuok 18:1 - MUMA MALER 2015

¹ Jethro jadolo mar Midian, kendo jaduong’ Musa, nowinjo gik moko duto mane Nyasaye osetimo ni Musa gi jo-Israel, kendo kaka Ruoth Nyasaye nogologi Misri.

Motingʼo Loko Manyien

¹ Koro Jethro, jadolo mar Midian kendo jaduongʼ Musa, nowinjo gik moko duto mane Nyasaye osetimo ni Musa, kaachiel gi joge ma jo-Israel, bende kaka Jehova Nyasaye nosegolo jo-Israel kawuok e piny Misri.

Wuok 18:1 ပူးပေါင်းရင်းမြစ်များ

Zaburi 105:43

Kuom mano ne otelo ni joge moyiero, mi ogolo oko ka wer gi ilo.

Zaburi 105:5

paruru honni mage malich kendo madongo, kaachiel gi buche mane ong’ado.

Zaburi 106:2

Ere ng’ama nyalo hulo gik moko duto mosetimo? Koso en ng’a manyalo pake moromo?

Zaburi 34:2

Abiro dende kuom gik ma osetimo, mondo ji duto ma ithiro owinji kendo obed mamor.

Zaburi 44:1

A Nyasaye, wasewinjo gi itwa, ka kwerewa hulonwa timbe madongo mane itimo e ndalogi.

Zaburi 78:4

Ok wanapandgi ni nyithindwa, to wananyis tieng’ mabiro teko Nyasaye gi timbene madongo, kod gik malich miwuoro ma osetimo.

Wuok 2:16

Noyudo ka jadolo mar Midian nigi nyiri abiriyo. Nyigo nobiro umbo pi, mi giolo e mberni ma jamni modhoe, mondo jamb wuon-gi omodhi.

Wuok 2:18

Kane nyigo odok ir Reuel wuon-gi, nopenjogi niya, “Ang’o momiyo uduogo chon kawuono?”

Wuok 2:21

Musa noneno ni ber mondo odag gi ng’atno, mi Reuel nomiye nyare ma Zipora, mokendo.

Wuok 3:1

Chieng’ moro Musa ne kwayo jamb Jethro jaduong’ne, ma jadolo mar Midian. Nong’ado thim gi jamni nyaka Horeb god Nyasaye.

Wuok 4:18

Musa nodhi ir Jethro jaduong’ne mowachone niya, “Yie mondo adog Misri ir jowetena, mondo ane ka pod gingima.” Jethro nowachone niya, “Ber, dhi gi kue.”

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Jeremia 33:9

Jerusalem nobed kama miya mor, kendo makelona pak gi duong’, mi ogendini duto mae piny nobed maluor kendo makirni ka giwinjo gik moko duto mabeyo ma atimo ni jo-Jerusalem, kod dongruok maber ma akelo ni dalani.”

Zekaria 8:23

Ruoth Nyasaye Manyalo Gik Moko Duto wacho niya, “E kindego ji apar moa e ogendini mamoko, mawacho dhok mopogore opogore, nobi ir ja-Yahudi, mi mak riak lawe, ka wachone niya, ‘Wadwaro dhi kodi, nimar wasewinjo ni Nyasaye ni kodi.’ ”

Kwan 10:29

Musa nowacho ni Hobab wuod Reuel ja-Midian ma ore niya, “Koro wawuok wadhi e piny ma Ruoth Nyasaye osewacho ni nomiwa. Yie wadhi kodi, kendo wabiro timoni maber, nimar Ruoth Nyasaye osesingore ni obiro guedhowa.”

Tich Joote 14:27

Kane gichopo Antiokia, ne gichoko jo-Kristo duto kaachiel, mi ginyisogi gik moko duto mane Nyasaye osemiyo gitimo, kendo kaka noseyawo yo ma joma ok jo-Yahudi mondo odok joma oyie kuom Kristo.

Tich Joote 15:12

Wechego nomiyo ji duto oling’, mochiko itgi ka Barnaba gi Paulo hulo ranyisi gi honni mane Nyasaye osemiyo gitimo ni joma ok jo-Yahudi.

Jo-Rumi 15:18

An ok dawuo kuom gimoro ma an asetimo, to dawuo mana kuom gik mane Kristo osemiyo atimo mondo joma ok jo-Yahudi oluor Nyasaye.

Joshua 2:10

Wasewinjo kaka Ruoth Nyasaye nodwono pi Nam Makwar e nyimu, kane ua Misri. Bende wasewinjo kaka nunego Sihon gi Og, ruodhi mag jo-Amon man loka Jordan, kaachiel gi ogendini mag lweny.

Joshua 9:9

Ne gidwoke niya, “Ruoth, waa e piny mabor ahinya nikech humb Ruoth Nyasaye ma Nyasachu. Wasewinjo gik ma notimore e Misri,

Jong’ad Bura 1:16

Nyikwa ja-Keni ma jaduong’ Musa ne jowuok kaachiel gi jo-Juda e Dala mar Othidhe, mi gidhi e thim Juda ma yo milambo mar Arad, kendo ne gidak gi jo-Amalek kuno.

Jong’ad Bura 4:11

Noyudo ka ng’at moro miluongo ni Heber ja-Keni oguro hembe Elonbezaananim man but Kedesh, nimar nosedar moweyo jo-Keni ma nyikwa Hobab, ma or Musa.