Wuok 17:9 - MUMA MALER 2015

⁹ Mi Musa nowacho ni Joshua niya, “Yier jomoko mondo kiny udhi ukednwago gi jo-Amalek. An to abiro chung’ ewi got kating’o luth mane Nyasaye omiya.”

Motingʼo Loko Manyien

⁹ Eka Musa nonyiso Joshua niya, “Yier jomoko kuom jowa mondo idhi iked gi jo-Amalek. Kiny anachungʼ ewi got gi ludh Nyasaye e lweta.”

Wuok 17:9 ပူးပေါင်းရင်းမြစ်များ

1 Weche mag Ndalo 7:27

to Elishama nonywolo Nun, to Nun nonywolo Joshua.

Wuok 17:13

mi Joshua noloyo jo-Amalek monegogi.

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Wuok 24:13

Musa kaachiel gi Joshua jatichne nodhi e god Nyasaye.

Wuok 33:11

Kamano Ruoth Nyasaye ne wuoyo gi Musa wang’ gi wang’ mana kaka ng’ato wuoyo gi wadgi. Bang’e Musa ne duogo e kambi. To Joshua wuod Nun, wuowi mane konye, ne dong’ mana e hema.

Wuok 4:17

Kaw ludhini, nikech en ema ibiro timo kode honni.”

Wuok 4:2

Ruoth Nyasaye nopenje niya, “Mano ang’o miting’o e lwetino?” Nodwoke ni, “En luth.”

Wuok 4:20

Mi Musa nokawo chiege gi nyithinde, kendo noketogi e kanyna, modok Misri, koting’o luth mane Nyasaye omiye.

Kwan 11:28

Eka Joshua wuod Nun, mane oyudo osetiyo ni Musa chakre tinne, nowacho niya, “Jaduong’ Musa, kwergi.” To Musa nodwoke niya, “Iywaga ni gimaya duong’ koso?

Kwan 13:16

Mago e nying joma Musa nooro mondo odhi ocheng piny Kanaan, to Hoshea wuod Nun to nochako ni Joshua.

Kwan 13:8

E dhood jo-Efraim, ne en Hoshea wuod Nun;

Kwan 27:18

Ruoth Nyasaye nodwoko Musa niya, “Kaw Joshua wuod Nun, ng’at ma teko ni kuome, mondo iket lweti kuome,

Tich Joote 7:45

Bang’e achien, kwerewa ne oyudo hemano kuom wuonegi. Ne giting’e ka gidhi gi Joshua, mi gikawo piny ogendini mane Nyasaye oseriembo mondo owenigi thuolo. Hema nobedo kuno nyaka ndalo Daudi.

Rapar mar Chik 32:44

Musa nobiro gi Joshua wuod Nun, mosomo weche duto mag wendno, ka ji ochiko itgi.

Jo-Hibrania 4:8

Ka dine bed ni Joshua osemiyogi kar yueyo, to Nyasaye ok dochako owuoyo kuom kinde machielo.

Joshua 8:18

Eka Ruoth Nyasaye nowacho ni Joshua niya, “Siem yo Ai gi tong’i, nimar abiro chiwe e lweti.” Mi Joshua notimo kamano.

Joshua 8:3

Omiyo Joshua kod jolweny duto noikore mondo omonj Ai. Noyiero jolweny alufu piero adek, moorogi gotieno, kowachonigi niya,