Wuok 17:7 - MUMA MALER 2015

⁷ Nochako nying kanyo ni Masa, (tiende ni, tem), to bende nochake ni Meriba, (ma tiende ni, dhaw), nikech jo-Israel nodhaw kode kanyo, kendo otemoe Ruoth Nyasaye, ka gipenjo niya, “Ruoth Nyasaye ni koda, koso oonge?”

Motingʼo Loko Manyien

⁷ Eka nochako kanyo ni Masa kod Meriba nikech jo-Israel nogwandore kanyo to bende nikech ne gitemo Jehova Nyasaye kagiwacho niya, “Bende Jehova Nyasaye ni e dierwa koso?”

Wuok 17:7 ပူးပေါင်းရင်းမြစ်များ

Zaburi 106:32

Jo-Israel nomiyo Nyasaye mirima e sokni mag Meriba, kendo gima ne gitimono nokelo ni Musa chandruok.

Zaburi 78:18

Ne gitemo Nyasaye marayiem, ka gikwaye chiemo mondo gineggo kech.

Zaburi 81:7

Kane un e thagruok, to ne uluonga, mi akonyou. Ne adwokou gie boche polo mapondoe, kendo ne amiyou tem e sokni mag Meriba.

Zaburi 81:8

Un joga, winjuru siem masiemougo. Mano kaka agombo ni mondo uchikna itu un jo-Israel!

Zaburi 95:8

“Kik wiu dok matek kaka ne wi kwereu odoko matek, kane gin Meriba, chieng’ mane gin Masa e thim cha.

Wuok 17:2

Mano nomiyo ji odhaw gi Musa, ka giwachone niya, “Miwa pi wamodhi!” Musa nodwokogi ni, “Marang’o udhaw koda? Ang’o momiyo utemo Ruoth Nyasaye?”

Wuok 34:9

Nowacho niya, “A Ruoth Nyasaye, kimor koda adier, to koro akwayi mondo idhi kodwa, jogi tokgi tek, to kata kamano, yie iwenwa kethowa gi richowa, kendo ikawwa ka mwanduni iwuon.”

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Kwan 14:22

akuong’ora ni onge kata mana ng’at achiel kuom joma oseneno duong’na kod honni mane atimo e piny Misri kendo e thim

Kwan 20:13

Mago e sokni mag Meriba, kama ne jo-Israel odhawie gi Ruoth Nyasaye mi nonyisogi ni en ng’ama ler. (Tiend Meriba en dhaw.)

Kwan 20:24

“Harun biro tho, mi luw kwerene, to ok nodonji e piny ma nasingora ni nami jo-Israel, nikech nudagi rito chikna kuom pi Meriba.

Kwan 27:14

nikech nutamoru rito chikna kane oganda jo-Israel piem koda e sokni manie thim Zin, kendo ne ok unyiso oganda ni an Ng’ama Ler.” (Mago e sokni mag Meriba man but Kadesh e thim Zin.)

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’

Rapar mar Chik 33:8

Jo-Lawi to nowuoyo kuomgi niya, “A Ruoth Nyasaye, nimiyo nyikwa Lawi ombulu miluongo ni Urim gi Thumim mondo ging’ego dwaroni, nikech gin joma tiyoni gi adiera. Ne itemogi Masa, kendo e sokni mag Meriba mi inwang’o ni gin joma inyalo geno.

Rapar mar Chik 6:16

“Kik utem Ruoth Nyasaye ma Nyasachu, kaka nuteme ka un Masa.

Rapar mar Chik 9:22

“Bende numiyo Ruoth Nyasaye mirima ka un Tabera gi Masa kod Kibroth-hataava,

Joshua 22:31

Eka Finehas wuod Eleazar jadolo nowacho ni jo-Reuben gi jo-Gad kod jo-Manase niya, “Kawuono wang’eyo ni Ruoth Nyasaye ni kodwa, nikech ok usetimo gima Ruoth Nyasaye okwero. Kuom mano usereso jo-Israel mondo kik Ruoth Nyasaye kumgi.”