Wuok 17:6 - MUMA MALER 2015

⁶ Anachung’ e nyimi kanyo, but lwanda man Horeb. Inichwad lwandano, mi pi nowuogie mondo ji omodhi.” Musa notimo kamano e nyim jodong Israel.

Motingʼo Loko Manyien

⁶ Abiro chungʼ e nyimi e bath lwanda mantie Horeb. Chwad lwanda to pi nowuog kuome mi oganda nomodhi.” Kuom Mano Musa notimo kamano e nyim jodong jo-Israel duto.

Wuok 17:6 ပူးပေါင်းရင်းမြစ်များ

Nehemia 9:15

Nimiyogi chiemo moa e polo mondo otieknigi kech, kendo nigolonigi pi e lwanda mondo gineg godo riyo; bende nichikogi mondo gidonj kendo gikaw piny mane ikuong’ori ni nimigi.

Zaburi 105:41

Ne obaro lwanda, mi pi obubnie, kendo pigno nomol e piny mana ka aora.

Zaburi 114:8

ma loko lwendni doko degni mag pi, kendo loko lwanda mogingore doko soko mamol.

Zaburi 46:4

Nitie aora makelo mor e dala mar Nyasaye, ma Ng’ama Duong’ Moloyo oseloko kar dakne.

Zaburi 74:15

Nimiyo sokni gi aore omol, kendo in ema nimiyo aore ma ok duon oduono.

Zaburi 78:18

Ne gitemo Nyasaye marayiem, ka gikwaye chiemo mondo gineggo kech.

Zaburi 78:20

Chutho nogoyo lwanda, mi pi obubnie molokore aore, to koro kuon gi ring’o bende domiwa?”

Zaburi 81:7

Kane un e thagruok, to ne uluonga, mi akonyou. Ne adwokou gie boche polo mapondoe, kendo ne amiyou tem e sokni mag Meriba.

Wuok 14:16

Kaw ludhi, irie e nam, mondo nam opogre koni gi koni, eka jo-Israel ong’ade, kawuotho e lowo motwo.

Wuok 16:10

Kane Harun pod wuoyo gi jo-Israel, ne ging’iyo yo ka thim, kendo ne gipo ka duong’ maler mar Ruoth Nyasaye othinyore e bor polo.

Isaya 48:21

Kane otelonigi e thim, to riyo ne ok oloyogi, nikech ne omiyo pi owuok e lwanda. Ee, nobaro lwanda, mi pi obubnie.

Kwan 20:8

“Kaw ludhi, kendo in gi Harun owadu, uchok jo-Israel kanyakla, kendo chik lwanda mondo ogol pi ka ji duto neno. Kamano inigol pi e lwanda mondo oganda omodhi, kaachiel gi jambgi.”

Johana 4:10

Yesu nodwoke niya, “Ka da ing’eye mich mar Nyasaye, kendo ing’e jal makwayi pi mondo omodhini, to in ema da ikwaye pi, mi da omiyi pi mangima.”

Johana 4:14

to ng’ama omodho pi ma anamiye, riyo ok nolo nyaka chieng’. Pi ma anamiye nodok soko e iye, ma pige bubni, kendo kelo ngima ma nyaka chieng’.”

1 Jo-Korintho 10:4

kendo ne gimodho pi achiel mar chuny, nikech ne gimodho e lwanda mar chuny mane wuotho kodgi. Lwandano ne Kristo owuon.

Rapar mar Chik 1:2

(En wuodh ndalo apar gachiel kia Horeb nyaka Kadesh-barnea, kiluwo yo mokadho e piny gode mag Seir.)

Rapar mar Chik 8:15

nimar notelonu e thim maduong’ kendo malich, kuma otwo ma onge pi, kendo ma thuonde man gi kwiri maricho kod thomoni opong’o. En ema nomiyo pi owuoknu e lwanda motegno,

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.