Wuok 17:4 - MUMA MALER 2015

⁴ Kane Musa owinjo kamano nokwayo Ruoth Nyasaye gi chunye duto, kopenjo niya, “Abiro timo ang’o gi jogi, nimar gichiegni goya gi kite?”

Motingʼo Loko Manyien

⁴ Eka Musa noywak ni Jehova Nyasaye niya, “En angʼo mowinjore atim kod jogi? Gichiegni kata mana goya gi kite.”

Wuok 17:4 ပူးပေါင်းရင်းမြစ်များ

Zaburi 99:6

Musa gi Harun ne jodolo mage. Samuel bende ne achiel kuom joma lame. Giduto ne giywak ni Ruoth Nyasaye, mi owinjogi.

Wuok 14:15

Ruoth Nyasaye nowacho ni Musa niya, “Marang’o iywakna? Wach ni jo-Israel odhi adhiya nyime.

Wuok 15:25

Musa nolamo Ruoth Nyasaye gi chunye duto, mi Ruoth Nyasaye nonyise osiki moro. Nokawe, mobole e pi, mi pi nodoko mamit. Kanyo ema Ruoth Nyasaye nomiyogie chik mogurore, kendo kanyo ema notemogie.

Kwan 11:11

Nopenjo Ruoth Nyasaye niya, “Ang’o momiyo isekelo chandruok kuom jatichni? Ere ketho ma aseketho e nyimi momiyo iketo kuoma ting’ mapek mar rito jogi duto?

Kwan 14:10

To kar dwokogi, oganda jo-Israel nobwogogi mana ni goyogi mana gi kite, to sano duong’ mar Ruoth Nyasaye nothinyorenigi duto e Hemb Romo.

Kwan 16:19

Korah bende nochoko joge duto, mi gichung’ ka gimanyore gi ji ariyogo e dho Hema. Bang’e duong’ maler mar Ruoth Nyasaye nothinyore ni oganda duto mar Israel,

Johana 10:31

Kane jo-Yahudi owinjo wachno, ne gichako gikwanyo kite kendo mondo gigogo Yesu.

Johana 8:59

Kane giwinjo kamano, ne gikwanyo kite mondo gigoyego, to nopondo, mi owuok e Hekalu.

Tich Joote 14:19

Bang’e jo-Yahudi moko nobiro koa Antiokia gi Ikonio e piny Pisidia. Ne gisemo ji, modoknigi, kendo ne gigoyo Paulo gi kite, mi giywaye oko e dala ka gigalo ni osetho.

Tich Joote 7:50

Donge an awuon ema ne achueyo gigi duto?” ’

1 Samuel 30:6

Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.