Wuok 17:3 - MUMA MALER 2015

³ To ji ne riyo oloyo malich, omiyo ne giywakne, ka giwacho niya, “Ere gimomiyo nigolowa Misri gi nyithindwa kod jambwa mondo riyo obi onegwa?”

Motingʼo Loko Manyien

³ To kata kamano ji ne riyo mar pi oloyo kanyo, kendo ji nongʼur ni Musa. Negiwachone niya, “En angʼo momiyo nigolowa Misri mondo nyithindwa kaachiel gi jambwa otho?”

Wuok 17:3 ပူးပေါင်းရင်းမြစ်များ

Nehemia 9:15

Nimiyogi chiemo moa e polo mondo otieknigi kech, kendo nigolonigi pi e lwanda mondo gineg godo riyo; bende nichikogi mondo gidonj kendo gikaw piny mane ikuong’ori ni nimigi.

Nehemia 9:20

Nimiyogi Roho mari maber mondo opuonjgi. Ne ok ituonogi manna ma nioro, kendo nisiko kimiyogi pi mondo gineggo riyo.

Zaburi 107:5

Kech nokayogi, kendo riyo noloyogi, mi geno mane gin go orumo.

Wuok 12:38

Oganda maduong’ mar ji mamoko kaachiel gi jamni bende nodhi kodgi.

Wuok 14:11

Ne giwacho ni Musa niya, “Donge liete ni Misri? Ang’o momiyo nikelowa oko e thim ka, mondo wathoe? Koro neye gima isetimo kuom golowa Misri!

Wuok 15:24

Ji noywak ni Musa, ka giwacho niya, “Wabiro modho ang’o?”

Kwan 14:22

akuong’ora ni onge kata mana ng’at achiel kuom joma oseneno duong’na kod honni mane atimo e piny Misri kendo e thim

Kwan 20:4

Ere gima omiyo isekelo oganda mar Ruoth Nyasaye e thimni mondo wathoe kaachiel gi jambwa?