Wuok 16:7 - MUMA MALER 2015

⁷ kendo kinyne gokinyi unune duong’ne maler, nimar osewinjo kaka uywakne. Wan ok ema uywagnwa, nikech wan ok wan gimoro.”

Motingʼo Loko Manyien

⁷ kendo gokinyi ubiro neno duongʼ mar Jehova Nyasaye, nikech osewinjo ngʼur ma ungʼurnego. Wan to wan ngʼa gini ma dimi ungʼurnwa?”

Wuok 16:7 ပူးပေါင်းရင်းမြစ်များ

Wuok 16:10

Kane Harun pod wuoyo gi jo-Israel, ne ging’iyo yo ka thim, kendo ne gipo ka duong’ maler mar Ruoth Nyasaye othinyore e bor polo.

Wuok 16:12

“Asewinjo ywak jo-Israel, omiyo koro nyisgi kama: ‘Kapok piny oyuso, ubiro yudo ring’o mondo ucham, to gokinyi ubiro yudo kuon mang’eny. Eka unung’e ni an Nyasaye ma Nyasachu.’ ”

Wuok 16:8

Eka Musa nomedo wacho niya, “Ruoth Nyasaye ema biro miyou kuon mang’eny mondo ucham gokinyi, nimar osewinjo kaka uywakne. Wan ok uywagnwa, to Ruoth Nyasaye ema uywakne, nikech wan ok wan gimoro.”

Wuok 24:10

Nochung’ ewi gima chalo gi laro molos gi kit ombo marieny mana ka polo.

Wuok 24:16

Duong’ maler mar Ruoth Nyasaye nolor ewi got Sinai, mi bor polo noimo got kuom ndalo auchiel. To chieng’ mar abiriyo Ruoth Nyasaye noluongo Musa gi e bor polo.

Wuok 40:34

mi bor polo noimo Hemb Romo, kendo duong’ maler mar Ruoth Nyasaye nopong’e.

Isaya 35:2

Ee, ginithiew mang’eny, kendo piny nopong’ gi wende mor. Kuonde ma yande otwo nobed mang’ich mana ka gode mag Lebanon, kata ka lege mabeyo mag Sharon kod mag got Karmel, kendo jo-Israel none duong’ maler mar Ruoth Nyasachgi.

Isaya 40:5

Eka duong’ maler mar Ruoth Nyasaye nofwenyre, mi ji duto nonene kaachiel, nimar Ruoth Nyasaye owuon ema owacho kamano.”

Tim jo-Lawi 9:6

Eka Musa nowacho niya, “Ma e gima Ruoth Nyasaye osechikou mondo utim mondo duong’ne maler ofwenyrenu.”

Kwan 14:10

To kar dwokogi, oganda jo-Israel nobwogogi mana ni goyogi mana gi kite, to sano duong’ mar Ruoth Nyasaye nothinyorenigi duto e Hemb Romo.

Kwan 14:27

“Asewinjo ka jo-Israel ng’urna. Anyalo ng’wono ni oganda marachni nyaka karang’o?

Kwan 16:11

Mano emomiyo in kaachiel gi jogi duto useriworu ka ukwedo Ruoth Nyasaye. Uparo ni Harun nigi teko manade, ma omiyo onego uywagne kamano?”

Kwan 16:42

E sa mane gichokoree ka ging’ur ni Musa gi Harun, ne giwichore ka gichiko Hemb Romo mi gineno ka bor polo oime, kendo duong’ maler mar Ruoth Nyasaye nothinyore kanyo.

Kwan 17:5

kendo ng’at ma ludhe oloth e ng’at ma ayiero. Mano e kaka abiro tieko ng’ur ma jo-Israel ng’urnigo.”

Johana 11:4

To kane Yesu owinjo wachno, nowacho ni, “Tuono ok en mar tho, to osebiro mana ni mondo Wuod Nyasaye bende oyud duong’.”

Johana 11:40

To Yesu nodwoke ni, “Donge nende awachoni ni ka in gi yie, to ibiro neno duong’ mar Nyasaye?”