Wuok 16:31 - MUMA MALER 2015

³¹ Jo-Israel nochako chiemono ni, ‘Manna’. Nochalo gi kodhi matindotindo marachere, kendo nomit ka kek moted gi mor kich.

Motingʼo Loko Manyien

³¹ Oganda jo-Israel noluongo makatino ni manna nikech nochalo gi kodhi matindo tindo marachere, kendo ne en gi ndhandhu machal gi kek moted gi mor kich.

Wuok 16:31 ပူးပေါင်းရင်းမြစ်များ

Wuok 16:14

To kane tho orumo, gik moko matindotindo, mong’inore machalo gi tho, nodong’ e thim.

Wuok 16:15

Jo-Israel nonenogo, to ne ok ging’eyo ni en ang’o, omiyo ne gipenjore kendgi giwegi ni, “Mano to ang’o?” Musa nodwokogi niya, “Mano e kuon ma Ruoth Nyasaye osemiyou mondo ucham.

Wuok 16:30

Kamano ji noyueyo chieng’ mar abiriyo.

Wuok 16:32

Musa nowacho niya, “Ruoth Nyasaye ochiko kama: ‘Kawuru manna moromo ondweto achiel, ukan ni nyikwau, mondo chieng’ moro gine chiemo mane amiyou mondo ucham e thim, kane agolou Misri.’ ”

Wer Mamit 2:3

“To in bende jaherana, iber e kind yawuowi weteu, mana kaka yadh olemo ber e kind yien mamoko duto. Ahero bet e tiponi ka achamo olembi mamit.

Rapar mar Chik 8:16

bende nomiyou manna mane kwereu pok ong’eyo mondo ucham e thim. Notimo kamano mondo odwokugo piny, kotemou, eka bang’e ogwedhu.

Rapar mar Chik 8:3

Nodwokou piny, kendo nomiyo kech okayou, eka bang’e nomiyou manna mondo ucham. En chiemo mane pok uneno, kendo kwereu bende ne ok oneno. Notimo kamano mondo onyisugo ni dhano ok bed mangima nikech chiemo kende, to obedo mangima gi weche duto mawuok e dho Ruoth Nyasaye.