Wuok 16:3 - MUMA MALER 2015

³ ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”

Motingʼo Loko Manyien

³ Jo-Israel nowachonegi niya, “Mad ne Jehova Nyasaye negwa e piny Misri! Kuno ne wabet kwalworo agulni mopongʼ gi ringʼo, kendo ne wachamo kit chiemo moro amora mane wadwaro, to isekelowa e thim ka mondo kech oneg ogandani duto.”

Wuok 16:3 ပူးပေါင်းရင်းမြစ်များ

2 Samuel 18:33

Ruoth nobwok ahinya, moidho e ot mane ni ewi dhorangach, koywak kama: “Yaye, Absalom wuoda, wuoda! Yaye, Absalom wuoda, mad an ema atho kari, Absalom wuoda, wuoda!”

Ayub 3:1

Bang’e Ayub ema ne ochako wuoyo, kokuong’o chieng’ mane onywolee,

Ayub 3:10

Ee, otienono mondo okuong’, nikech noweyo onywola, mi aneno mana chuny lit kod thagruok.

Ayub 3:20

Ere gimomiyo jomoko inywolo mana ni mondo one thagruok? Koso ji man gi chuny lit iweyo neno chieng’ nang’o?

Zaburi 107:5

Kech nokayogi, kendo riyo noloyogi, mi geno mane gin go orumo.

Zaburi 78:19

Ne giwuoyo kuome marach, ka gipenjore, niya, “Bende Nyasaye nyalo miyowa chiemo e thim ka adier?

Zaburi 78:25

Kamano Nyasaye nomiyogi chiemb malaika, mi gichamo nyaka giyieng’.

Wuok 14:11

Ne giwacho ni Musa niya, “Donge liete ni Misri? Ang’o momiyo nikelowa oko e thim ka, mondo wathoe? Koro neye gima isetimo kuom golowa Misri!

Wuok 17:3

To ji ne riyo oloyo malich, omiyo ne giywakne, ka giwacho niya, “Ere gimomiyo nigolowa Misri gi nyithindwa kod jambwa mondo riyo obi onegwa?”

Wuok 2:23

Bang’e achien, ruodh Misri notho, to jo-Israel ne pod ng’ur malich kuom bedo wasumbini, kendo ne giywak malit mondo ogolgi e thagruok ma kamano. Ywakgino notundo ni Nyasaye

Wuok 5:21

mi giwachonigi niya, “Nyasaye mondo one gima usetimo, kendo okumu kuom miyo Farao gi jodonge bedo mamon kodwa. Useketo ligangla e lwetgi mondo ginegwago!”

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Jeremia 42:14

Bende kik uwach ni, ‘Ooyo, wabiro dhi mondo wadag e piny Misri, kuma ok wanyal chako nenoe lweny, kata winjoe tung’ ma luongowa mondo wadhi e lweny kata bedo kech.’

Jeremia 44:17

Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Ywagruok 4:9

Ji mane otho e lweny ne johawi, moloyo joma ne kech oywayo monego, kaonge gima cham.

Kwan 11:15

Omiyo ka mano e tich ma imiya, to kara ber mondo inega chuth. To kapo ni ikecha, to yie iwe miya thagruok makama.”

Kwan 11:20

to unuchame kuom due ngima, nyaka chop othing’u, mi ung’ogi, nikech usedagi Ruoth Nyasaye modak e kindu, kendo useywakne kuwacho niya, “Ang’o momiyo ne wawuok e piny Misri?” ’ ”

Kwan 14:2

Giduto ne ging’ur ni Musa gi Harun, ka giwacho niya, “Mad ne watho e piny Misri, kata e thimni!

Kwan 14:3

Ere gima omiyo Ruoth Nyasaye okelowa e pinyni mondo watho e lweny, kendo omak mondwa gi nyithindwa? Donge diber ka wadok Misri?”

Kwan 16:13

Iparo ni gol mane igolowago e piny maber kendo momew mondo watho e thim ka, en gima tin koso, ma pod idwaroe mana ni nyaka ibed jatendwa?

Kwan 16:41

To kinyne oganda duto mar Israel nong’ur ni Musa gi Harun, ka giwachonigi gisemiyo jo Ruoth Nyasaye moko otho.

Kwan 21:5

To ne gichako ng’ur ka gin e yo, mi giywak ni Nyasaye kod Musa, ka giwacho niya, “Ere gimomiyo usegolowa e piny Misri mondo watho e thimni, kama onge chiemo kata pi? Chiemo marachni ojogowa!”

Tich Joote 26:29

Eka Paulo nodwoke ni, “Alamo Nyasaye ni kata da kinde bed matin kata malach, to in kod ji duto mawinjo wechena kawuonogi, ubed kaka an, mak mana ni kik tueu gi nyororogi.”

1 Jo-Korintho 4:8

Nenore ni uparo ni useyudo gik moko duto mudwaro, kendo usedoko joma omew! Usebedo ruodhi, to wan uweyowa oko! Mad ubed ruodhi adier, mondo wan bende wabed ruodhi kodu!

2 Jo-Korintho 11:1

Yieuru uhore mos, nikech adwaro bedo mofuo matin! To ang’eyo ni useyie koda.

Rapar mar Chik 28:67

Kihondkono gi gik mubiro neno, nomi uwach okinyi kokinyi ni, ‘Yaye! Mad obed odhiambo!’ To odhiambo kodhiambo unuwach ni, ‘Yaye! Mad obed okinyi.’

Rapar mar Chik 8:3

Nodwokou piny, kendo nomiyo kech okayou, eka bang’e nomiyou manna mondo ucham. En chiemo mane pok uneno, kendo kwereu bende ne ok oneno. Notimo kamano mondo onyisugo ni dhano ok bed mangima nikech chiemo kende, to obedo mangima gi weche duto mawuok e dho Ruoth Nyasaye.

Joshua 7:7

Joshua nowacho niya, “A Ruoth Nyasaye, ere gimomiyo isekelo jogi loka Jordan mana ni mondo ichiwgi e lwet jo-Amor, kendo itiekgi? Mad ne wasik loka cha!