Wuok 16:29 - MUMA MALER 2015

²⁹ Ng’euru ni an Ruoth Nyasaye ema aseketonu chieng’ Sabato. Kuom mano, chieng’ mar auchiel amiyou chiemo moromo ndalo ariyo. To chieng’ mar abiriyo, ng’ato ka ng’ato nyaka bed mana kama entie, kendo kik owuog e dalane.”

Motingʼo Loko Manyien

²⁹ Beduru kungʼeyo ni Jehova Nyasaye osemiyou Sabato, mano emomiyo chiengʼ mar auchiel omiyou Makati moromo ndalo ariyo. Ngʼato ka ngʼato nyaka sik kama entie chiengʼ mar abiriyo, kendo onge ngʼama nodhi oko.

Wuok 16:29 ပူးပေါင်းရင်းမြစ်များ

Nehemia 9:14

kendo nipuonjogi wach Sabato mari maler. Bende nimiyogi chike mabeyo gi dho Musa jatichni.

Wuok 16:28

Eka Ruoth Nyasaye nowacho ni Musa niya, “Ubiro tamoru rito chikena gi buchena nyaka karang’o?

Wuok 16:30

Kamano ji noyueyo chieng’ mar abiriyo.

Wuok 31:13

“Nyis jo-Israel kama, ‘Nyaka urit chieng’ Sabatona, nikech chieng’ yueyono en ranyisi manie kinda kodu kaachiel gi nyikwau nyaka chieng’, mondo ung’e ni an e Ruoth Nyasaye mopwodhou.

Ezekiel 20:12

Ne aketo ndalo mag Sabatona obed ranyisi mar winjruok e kinda kodgi, mondo oparnigi ni an Ruoth Nyasaye ema ayierogi mondo gibed maga.

Tim jo-Lawi 25:21

to nadwoku kama: Abiro guedhou e higa mar auchiel, mi piny nochieg cham moromou chamo kuom higni adek.

Mathayo 24:20

To kwauru Nyasaye mondo kik chunu ni nyaka uringi e ndalo koyo, kata chieng’ Sabato,

Luka 23:56

Bang’e ne gidok Jerusalem, mi giloso mo mang’ue ng’ar kod yath madum mamit. Chieng’ Sabato to ne giyueyo kaka Chik Musa dwaro.