Wuok 16:28 - MUMA MALER 2015

²⁸ Eka Ruoth Nyasaye nowacho ni Musa niya, “Ubiro tamoru rito chikena gi buchena nyaka karang’o?

Motingʼo Loko Manyien

²⁸ Eka Jehova Nyasaye nowacho ne Musa niya, “Ubiro tamoru rito chikena kod puonjna nyaka karangʼo?”

Wuok 16:28 ပူးပေါင်းရင်းမြစ်များ

2 Ruodhi 17:14

To kata kamano, ne gidagi weyo yorego, nikech ne wigi tek ka wi kweregi mane ok oyie kuom Ruoth Nyasaye ma Nyasachgi.

2 Ruodhi 17:15

Ne gichayo chikene gi singruokne mane otimo kod kweregi, kendo ne ok gidewo weche mane osiemogigo. Ne gilamo nyiseche manono, nyaka gin giwegi gidoko joma nono, nikech ne giluwo timbe mag ogendini mokiewo kodgi, mane Ruoth Nyasaye osekwerogi ni kik giluw.

Zaburi 106:13

To piyopiyo nono wigi ne owil gi gima ne osetimonigi, mi gichako gitimo gik moko ka pok gipenje mondo ong’adnigi rieko.

Zaburi 78:10

Ne ok girito singruok mane gisetimo gi Nyasaye. Kamano ne gitamore rito chikene.

Zaburi 78:22

nikech ne ok giyie kuome, kendo ne ok gigeno ni doresgi.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Wuok 16:27

To chieng’ mar abiriyonogo, jomoko nodhi mondo ochok chiemo, to ne ok giyudo.

Wuok 16:29

Ng’euru ni an Ruoth Nyasaye ema aseketonu chieng’ Sabato. Kuom mano, chieng’ mar auchiel amiyou chiemo moromo ndalo ariyo. To chieng’ mar abiriyo, ng’ato ka ng’ato nyaka bed mana kama entie, kendo kik owuog e dalane.”

Isaya 7:13

Bang’e Isaya nowacho niya, “Un joka Daudi, chikuru itu. Olo chuny ji ma uolo pok oromou koso, ma pod udwaroe mana olo Nyasacha bendeni?

Isaya 7:9

bende kata ni Samaria e dala maduong’ mar Efraim nokethi, mi ok nochak obed oganda kendo. Kuom mano, bed gi yie motegno kuom Nyasaye, nono to ok ibi chung’ mogurore.’ ”

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Jeremia 9:6

Gitimo timbe mahundu kinde duto, timbegi mag wuond bende osiko asika, to gitamore yie kuoma.

Ezekiel 20:13

To ne gipiem apiema koda, kata mana e thim, ka giketho buchena, kendo gidagi chikena, ma ka ng’ato orito, to yudo ngima. Bende ne giketho ndalo mag Sabatona chuth. Mano ema omiyo ne achano mondo atiekgi gi mirimba mager e thim kuno.

Ezekiel 20:16

Ne akuong’ora kamano nikech ne gidagi rito chikena, kendo ne giketho buchena. Ndalo mag Sabato bende ne ok girito, nikech ne gihero mana lamo nyisechegi manono.

Ezekiel 5:6

To jo-Jerusalem osepiem koda, moweyo buchena kod chikena moloyo ogendini mamoko duto, nimar gisedagi chikena, mi gitamore rito.

Kwan 14:11

Ruoth Nyasaye nowacho ni Musa niya, “Jogi biro chaya kamano nyaka karang’o? Pod gibiro tamore gena marom nadi, to eka asetimonigi ranyisi mang’eny?

Kwan 20:12

To Ruoth Nyasaye nowacho ni Musa gi Harun niya, “Ne ok ugena moromo nyiso jo-Israel ni an ng’ama ler! Kuom mano ok unyal tero ogandani nyaka piny mane asingora ni namigi.”

Mariko 9:19

Eka Yesu nowacho ni ji niya, “Yaye, ma tieng’ ma onge yie manade! Nyaka karang’o monego abedie kodu? Koso anachandra kodu nyaka karang’o? Keluru rawerano ira ka”.