Wuok 16:25 - MUMA MALER 2015

²⁵ Musa nowachonigi niya, “Mano ema mondo ucham tinende, nikech kawuono en chieng’ Sabato. Tiende ni chieng’ mowal ni Ruoth Nyasaye. Omiyo ok ubi yudo chiemo oko mukwanyo.

Motingʼo Loko Manyien

²⁵ Musa nowachonegi niya, “Mano ema ucham kawuono nikech kawuono en Sabato ni Jehova Nyasaye. Ok unuyud chiemo munyalo kwanyo kawuono.

Wuok 16:25 ပူးပေါင်းရင်းမြစ်များ

Nehemia 9:14

kendo nipuonjogi wach Sabato mari maler. Bende nimiyogi chike mabeyo gi dho Musa jatichni.

Wuok 16:23

mi nodwokogi niya, “Ruoth Nyasaye osechiko kama: ‘Kiny en chieng’ yueyo ma en Sabato mowal ni Ruoth Nyasaye. Kuom chiemo musechokogo, unyalo bulo mago mudwaro bulo, kendo boko mago mudwaro boko. To modong’ mondo oket tenge, okan nyaka kiny.’ ”

Wuok 16:24

Ne gitimo kaka Musa nochiko, mi ne gikano gima odong’ nyaka kinyne, kendo ne ok okethore, bende kudni ne ok odonjoe.

Wuok 16:26

Unyalo choko chiemo kuom ndalo auchiel, to chieng’ mar abiriyo, ma en chieng’ Sabato, chiemono ok bi lwar.”

Wuok 16:29

Ng’euru ni an Ruoth Nyasaye ema aseketonu chieng’ Sabato. Kuom mano, chieng’ mar auchiel amiyou chiemo moromo ndalo ariyo. To chieng’ mar abiriyo, ng’ato ka ng’ato nyaka bed mana kama entie, kendo kik owuog e dalane.”