Wuok 16:21 - MUMA MALER 2015

²¹ Okinyi kokinyi, ng’ato ka ng’ato ne choko chiemo morome chamo. To ka chieng’ oseowore, chiemono ne leny rumo.

Motingʼo Loko Manyien

²¹ Okinyi ka okinyi ngʼato ka ngʼato ne choko moromo gi dwarone to ka chiengʼ nobedo makech to chiemono ne oleny.

Wuok 16:21 ပူးပေါင်းရင်းမြစ်များ

Wuok 16:20

Jomoko kuomgi ne ok odewo wach Musa, to nokano chiemo moko nyaka kinyne, mi kudni nopong’o chiemogo, moketho. Omiyo Musa nokecho kodgi.

Wuok 16:22

Chieng’ mar auchiel ne gichoko chiemo moromo chamo diriyo. Ng’ato ka ng’ato nochoko onduetni ariyo. Jodongo duto mag oganda nobiro, monyiso Musa wachno,

Eklesiastes 12:1

Paruru jachuechu kapod utindo, kendo ka pok ndalo mag chandruok obiro, ma koro uwachoe niya, “Onge gima tinde bernwa e piny.”

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Johana 12:35

To Yesu nodwokogi ni, “Pod odong’ kinde matin ma abiro betgo e kindu, ka amiyou ler. Wuothuru kapod un gi ler, mondo mudho kik juku. Ng’at mawuotho e mudho kia kuma dhiye.

2 Jo-Korintho 6:2

nikech Nyasaye wacho niya, “Ne awinji e kinde mowinjore. Adier, ne akonyi e ndalo warruok.” Koro neuru, ma e kinde mowinjore ahinya! Winjuru, ma e ndalo mar warruok.