Wuok 16:20 - MUMA MALER 2015

²⁰ Jomoko kuomgi ne ok odewo wach Musa, to nokano chiemo moko nyaka kinyne, mi kudni nopong’o chiemogo, moketho. Omiyo Musa nokecho kodgi.

Motingʼo Loko Manyien

²⁰ Kata kamano, jomoko kuomgi ne ok odewo wach Musa, negikano moko nyaka okinyi, to negiyudo ka kudni opongʼo chiemono kendo negichako dungʼ. Kuom mano Musa ne iye owangʼ kodgi.

Wuok 16:20 ပူးပေါင်းရင်းမြစ်များ

Wuok 16:19

Musa nowachonigi niya, “Kik ukan chiemo moko nyaka kiny.”

Wuok 16:21

Okinyi kokinyi, ng’ato ka ng’ato ne choko chiemo morome chamo. To ka chieng’ oseowore, chiemono ne leny rumo.

Wuok 16:24

Ne gitimo kaka Musa nochiko, mi ne gikano gima odong’ nyaka kinyne, kendo ne ok okethore, bende kudni ne ok odonjoe.

Kwan 12:3

(To ka iwacho adier, Musa ne en ng’at mamuol ahinya moloyo ji duto manie piny.) Ruoth Nyasaye nowinjo kaka jogo kuodhe,

Kwan 16:15

Kane Musa owinjo wechegigo, mirima mager nomake, mi owacho ni Ruoth Nyasaye niya, “Kik idew ng’ur ma ging’urgono. Pok amayogi kata mana kanyna achiel, bende pok atimo marach ni ng’ato ang’ata kuomgi.”

Mathayo 6:19

“Kik ukan mwandu e piny, kama olwenda kata nyal kethoe gik moko, kendo jokuo bende turo, mi kwelie.

Mariko 10:14

Kane Yesu oneno ka jopuonjrene kwero jogo kamano, nosin, mi owacho ni jopuonjrene niya, “Weuru nyithindo obi ira! Kik utamgi, nikech joma kamagi ema yudo gweth mar Loch Nyasaye!

Mariko 3:5

Kane Yesu oneno ka chunygi tek, chunye nodoko malit, mi orangogi gi mirima. Eka nowacho ni ng’atno niya, “Rie lweti.” Ng’atno norieyo lwete, mi lwete ochango.

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Luka 12:33

Lokuru giu duto pesa mondo upog ni joma odhier, eka ubed gi mwandu mak rum e polo, kuma jakuo ok dhiye, kendo kuma olwenda ok kethie gik moko,

Jo-Efeso 4:26

Ka mirima omako ng’ato kuomu, to kik owe mirima tere e richo, kendo kik owe chieng’ podhi ka pod en gi mirima.

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”