Wuok 16:15 - MUMA MALER 2015

¹⁵ Jo-Israel nonenogo, to ne ok ging’eyo ni en ang’o, omiyo ne gipenjore kendgi giwegi ni, “Mano to ang’o?” Musa nodwokogi niya, “Mano e kuon ma Ruoth Nyasaye osemiyou mondo ucham.

Motingʼo Loko Manyien

¹⁵ Ka jo-Israel nonene, negipenjore kendgi niya, “Ma en angʼo?” Nimar ne ok gingʼeyo gima ne en. Musa nowachonegi niya, “En e Makati ma Jehova Nyasaye osemiyou mondo ucham.

Wuok 16:15 ပူးပေါင်းရင်းမြစ်များ

Nehemia 9:15

Nimiyogi chiemo moa e polo mondo otieknigi kech, kendo nigolonigi pi e lwanda mondo gineg godo riyo; bende nichikogi mondo gidonj kendo gikaw piny mane ikuong’ori ni nimigi.

Nehemia 9:20

Nimiyogi Roho mari maber mondo opuonjgi. Ne ok ituonogi manna ma nioro, kendo nisiko kimiyogi pi mondo gineggo riyo.

Zaburi 105:40

Ne gikwayo gima digicham, mi okelonigi aluru, kendo nomiyogi chiemo moa e polo mondo gicham giyieng’.

Zaburi 78:24

Eka nomiyo manna, ma en chiemo moa e polo, ochuenigi ka koth mondo gicham.

Wuok 16:31

Jo-Israel nochako chiemono ni, ‘Manna’. Nochalo gi kodhi matindotindo marachere, kendo nomit ka kek moted gi mor kich.

Wuok 16:33

Eka Musa nowacho ni Harun niya, “Kaw agulu, iolie manna moromo ondweto achiel, kendo iket e nyim Ruoth Nyasaye mondo okan ni nyikwawa.”

Wuok 16:4

Ruoth Nyasaye nowacho ni Musa niya, “Abiro loronu chiemo koa e polo. Odiechieng’ kodiechieng’ ji nyaka dhi mondo ochok chiemo moromo chamo odiechieng’no. Kamano abiro temogi mondo ane ane ka giyie chikena.

Ngeche 9:5

“Bi mondo wachiem kodi, kendo imadh divai mamit ma aseloso.

Kwan 21:5

To ne gichako ng’ur ka gin e yo, mi giywak ni Nyasaye kod Musa, ka giwacho niya, “Ere gimomiyo usegolowa e piny Misri mondo watho e thimni, kama onge chiemo kata pi? Chiemo marachni ojogowa!”

Luka 12:30

nikech gik makamago ema ogendini duto mae piny chandore kadwaro. Un to, Wuonu ong’eyo ni onego uyudgi.

Johana 6:49

Kwereu nochamo Manna e thim, to kata kamano ne githo.

Johana 6:58

Ma e kuon mane olor oa e polo. Ok ochal gi gima ne kwereu ochamo to bang’e otho. Ng’at ma ochamo kuonni to nobed mangima nyaka chieng’”

1 Jo-Korintho 10:3

Giduto ne gichamo chiemo achiel mar chuny,

Rapar mar Chik 8:16

bende nomiyou manna mane kwereu pok ong’eyo mondo ucham e thim. Notimo kamano mondo odwokugo piny, kotemou, eka bang’e ogwedhu.

Rapar mar Chik 8:3

Nodwokou piny, kendo nomiyo kech okayou, eka bang’e nomiyou manna mondo ucham. En chiemo mane pok uneno, kendo kwereu bende ne ok oneno. Notimo kamano mondo onyisugo ni dhano ok bed mangima nikech chiemo kende, to obedo mangima gi weche duto mawuok e dho Ruoth Nyasaye.

Jo-Hibrania 9:4

Ei hemano ne nitie kendo-mar-misango molos gi dhahabu miwang’oe ubani, kod Sandug Muma, gi ludh Harun mane oloth, kod kite mopa mondikie Singruok.

Joshua 5:12

Chakre chieng’ mane jo-Israel ochamoe chiemb Kanaanno, chiemb Manna mane oyudo gichamo norumo, mi ne ok giyudo moko kendo. Higano ne gichamo mana chamb Kanaan.

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.