Wuok 15:9 - MUMA MALER 2015

⁹ Jasikwa nowacho niya, ‘Analawgi, mi ajukgi! Anape mwandugi, kendo anayak gimoro amora ma adwaro. Anawuodh ligangla, kendo anatiekgi gi tekona.’

Motingʼo Loko Manyien

⁹ Jawasigu nosungore kawacho niya, “Abiro lawogi, abiro jukogi. Abiro pogo mwandugi; abiro yako gimoro amora. Abiro golo liganglana kendo lweta biro tiekogi.

Wuok 15:9 ပူးပေါင်းရင်းမြစ်များ

Chakruok 49:27

“Benjamin en ondiek ma kech kayo. Gima osenego, ochamo gokinyi. Godhiambo, to pod ong’ingo gima osemako.”

2 Samuel 22:38

Nalawo wasika, mi atiekogi, kendo ne ok aduogo dala ka pok girumo.

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

1 Ruodhi 20:10

Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

Wuok 14:5

Kane onyis Farao ruodh Misri ni jo-Israel oseringo, chunye gi chuny jodonge nolokore ni nonego ni kik giwe gia, mi giwacho niya, “Ang’o mwasetimoni? Waseweyo wasumbwa ma jo-Israel odhi!”

Ngeche 16:19

Ber bedo gi jochan kibolori, moloyo bedo gi josunga, kipogo kodgi gik moyaki.

Isaya 36:20

Kuom nyiseche duto mag pinjego, ere moro mosereso pinye e lweta, ma dimi upar ni Ruoth Nyasaye nyalo reso Jerusalem e lweta?’ ”

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Jeremia 46:17

Chakuru Farao ruodh Misri nying manyien ni, ‘Ruodh Sunga,’ nikech en ng’at mane thuolo momiye obayo.

Habakuk 3:14

Wasikwa nobiro ka kalausi, kaparo ni biro tiekowa, mana kaka inyalo tieko ng’at modhier man kar kende. To kata kamano ne itiekogi mana gi gilwenjegi giwegi.

Luka 11:22

To ka ng’at maratego moloye omonje, mi oloye, to ng’at moloyeno kawo gige mag lweny moritorego, kendo pogo ni joge mwandu ng’atno.

Jong’ad Bura 5:30

‘Nyaka bed ni giyeko, kendo gipogo mwandu ma giseyudo. Ng’ato ka ng’ato yudo nyako achiel kata ariyo, kendo omi Sisera gik mope ma kitgi yoreyore, kod nanga mokwo maber, mondo orwak e ng’ute.’

1 Samuel 30:8

Daudi nopenjo Ruoth Nyasaye wach niya, “Anyalo lawo joma nomonjowago, koso? Bende dajukgi?” Mi nodwoke ni, “Lawgi, nikech adier ibiro jukogi, kendo ibiro reso jogi duto.”