Wuok 15:8 - MUMA MALER 2015

⁸ Much umi nomiyo pi ogingore, mi apaka nochung’ tir ka ohinga, kendo nam matut ne opoto nyaka pier pi piny

Motingʼo Loko Manyien

⁸ Muya mawuok e umi nomiyo pige ogingore malo. Apaka mar pi nogingore mochungʼ ka kor ot; pige man kuonde matut nochokore e chuny nam.”

Wuok 15:8 ပူးပေါင်းရင်းမြစ်များ

2 Samuel 22:16

Kane Ruoth Nyasaye okudho ka yamb nyakoi, kendo okwerogi, mise mag piny noelore kendo kude mag nam nofwenyore.

Ayub 4:9

Nyasaye tiekogi gi mirimbe mager, mana ka gima yamb ahiti ema ogoyo, molalgo nono.

Zaburi 33:7

Ne ochoko nembe duto kanyachiel. Ee, ne oloro ni kude mag nembe e ut keno.

Zaburi 78:13

Ne obaro nam, mi otelonigi nyaka gikadho, ka pi ogingore ka ohinga koni gi koni

Wuok 14:29

To jo-Israel noseng’ado nam, ka wuotho e lowo motwo, ka pi ogingore koni gi koni.

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Isaya 37:7

nikech abiro miye chuny man gi kibaji, ma kowinjo wach moro marach, to noring odog e pinye, kuma nami onegee.’ ”

Habakuk 3:10

bende ka gode orangi, to tetni ka luoro omako. Ohula mwomo ka ridore, kendo nam matut wuo matek ka apaka gingore.

Habakuk 3:15

Ka ingado nam gi fareseni, to apaka madongo gingore.

2 Jo-Thesalonika 2:8

Bang’e Ng’at Mochayo Chik nothinyre, to Ruoth Yesu nobi gi duong’ne duto, mi nonege gi muya moa e dhoge, kendo notiek tekone duto.

Joshua 3:16

gikanyono pi nochung’ gi yo ka malo, kogingore machiegni gi Adam, dala man but Zarethan. Pi mane mol kochomo nam mar Araba, miluongo ni Nam Kado, noduono chuth, mi jo-Israel nong’ado aora kama omanyore gi Jeriko.