Wuok 15:3 - MUMA MALER 2015

³ Ruoth Nyasaye en jalweny, kendo Ruoth Nyasaye nyinge.

Motingʼo Loko Manyien

³ Jehova Nyasaye en jalweny; Jehova Nyasaye e nyinge.

Wuok 15:3 ပူးပေါင်းရင်းမြစ်များ

Zaburi 24:8

Ruoth maduong’ni to en ng’a? En Ruoth Nyasaye maratego, kendo manyalo duto. En Ruoth Nyasaye malocho e lweny.

Zaburi 45:3

Tue liganglani e nungoni, yaye ruoth maratego, man gi teko kod duong’.

Zaburi 83:18

Kamano mondo ging’e, A Ruoth Nyasaye, ni in kende e Ruoth Maduong’ e piny ngima.

Wuok 14:14

Ruoth Nyasaye biro kedonu, omiyo un ling’uru aling’a.”

Wuok 14:25

Nomiyo tiend gechegi omoko, mi koro ne ok ginyal ringo maber, nyaka jo-Misri nowacho niya, “Ruoth Nyasaye ema kedonigi kodwa.”

Wuok 3:13

Musa nowacho ni Nyasaye niya, “To ka adhi ir jo-Israel, mawachonigi ni Nyasach kweregi oseora, gibiro penja ni, ‘Nyinge ng’a?’ An to nadwokgi ang’o?”

Wuok 3:14

Nyasaye nowacho ni Musa niya, “AN MANTIE e nyinga.” Eka nomedo wacho niya, “Ma e gima mondo iwach ni jo-Israel: ‘AN MANTIE oseora iru.’ ”

Wuok 3:15

Nyasaye nochako owacho ni Musa niya, “Nyaka iwach ni jo-Israel kama: ‘Ruoth Nyasaye ma Nyasach kwereu, ma Nyasach Ibrahim, gi Isaka kod Jakobo, oseora iru.’ Ma e nyinga ma nyaka chieng’, kendo ma tienge mabiro duto noluongago.

Isaya 42:13

Ruoth Nyasaye biro wuok oko ka thwon maratego. Enobed gi mirima mager mana ka jalweny, kendo enokogi ka ogoyo sigich lweny, mi olo wasike.

Isaya 42:8

An e Ruoth Nyasaye, kendo mano e nyinga. Ok ayie mondo duong’ ma imiya omi nyasaye moro machielo, bende ok ayie mondo pak mipakago opakgo gik ma opa.

Jeremia 33:2

Nowachone kama: “An Ruoth Nyasaye mane ochueyo piny, mi oloso kendo oguro motegno, nyinga en Ruoth Nyasaye.