Wuok 15:26 - MUMA MALER 2015

²⁶ Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Motingʼo Loko Manyien

²⁶ Nowachonegi niya, “Ka uchiko itu maber ne wach Jehova Nyasaye ma Nyasachu ma utimo gima kare e nyim wangʼe, ka urito chikene kendo umako buchene duto, to ok anakel kuomu tuo moro amora mane akelo ne jo-Misri, nimar an Jehova Nyasaye machangou.”

Wuok 15:26 ပူးပေါင်းရင်းမြစ်များ

1 Ruodhi 11:33

Abiro golo loch kuome nikech oseweya, molamo Ashtoreth, nyasaye madhako mar jo-Sidon, gi Kemosh nyasach jo-Moab, kod Milkom nyasach jo-Amon, ka ok oluw yorena mondo otim gik malong’ona, kata rito chikena gi buchena kaka Daudi wuon mare notimo.

1 Ruodhi 11:38

Kiwinjo wechena duto, kendo kiwuotho e yorena, mi itimo gima long’ona, kirito chikena kod buchena kaka Daudi jatichna notimo, eka nabed kodi, kendo nagur dhoodi mosiko, kaka naguro dhood Daudi; kendo anamiyi piny Israel.

2 Ruodhi 2:21

Eka nodhi e soko, moboloe kado, kowacho niya, “Ruoth Nyasaye owachoo kama: Aseloso pigni maber; chakre kawuono ok nokel tho, kendo ok nomon piny chiek.”

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

2 Ruodhi 22:2

Timbe Josia ne long’o e nyim Ruoth Nyasaye, kendo noluwo timbe duto mag Daudi kwar mare, ma ok oweyo kata achiel.

Ayub 5:18

Ka Nyasaye ochwadi ma iriemo, too en ema othiedho kanyo. Ee, lwedo mohinyino ema changi.

Zaburi 103:3

En ema oweyona richona duto, kendo ochango tuochena pep.

Zaburi 147:3

bende oduogo chuny joma genogi oserumo, kendo othiedho adhondegi.

Zaburi 81:9

Kik uti ni nyiseche mamoko, bende kik ulam nyasaye moro mak mana an.

Wuok 12:29

E dier otienono tir, Ruoth Nyasaye nonego nyithindo ma yawuowi makayo duto, chakre kach ruoth Farao nyaka kach ng’at motue e jela, kaachiel gi nyithindo makayo duto mag jamni.

Wuok 19:5

Koro ka unuluora murit singruok ma atimo kodu, to unubed joga awuon, ma aseyiero kuom ogendini duto; nikech piny duto en mara.

Wuok 19:6

Unubed oganda mowal, matiyona ka jodolo.’ Mano e wach ma onego inyis jo-Israel.”

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 23:25

Lamauru, an Ruoth Nyasaye ma Nyasachu, mi anaguedhu gi chiemo kod pi, bende anatiek tuoche duto kuomu.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Isaya 57:18

Aseneno timbegi, to pod abiro mana changogi, mi aho chunygi, kendo amigi yueyo maber, bende anakue chuny jogi maywak.”

Jeremia 11:7

Chakre kinde mane agoloe kweregi e piny Misri nyaka chil kawuono, asebedo kasiemogi matek mondo girit wechena.

Jeremia 17:24

“Nyisgi ni nyaka giluora gi chunygi duto. Kik giting’ misigo moro amora ka gikadho e dhorangeye mag dalani chieng’ Sabato, to girit chieng’ Sabato obed maler, mak gitiyo tich moro.

Jeremia 30:17

Kata obedo ni wasiku wacho niya, ‘Sayun osejwang’ kendo onge ng’ama dewe,’ to anami uchak ubed mangima, kendo anachang adhondeu.”

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Jeremia 7:23

To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Jeremia 8:22

Yath tinde orumo e piny Gilead koso? Jathieth onge kuno adier? Ere gima omiyo pok othiedh joga?

Ezekiel 18:5

“Nyalo bet ni nitie ng’at makare, ma timo gik mowinjore kendo malong’o,

Hosea 11:3

To eka an ema ne apuonjogi wuoth, kendo ne ariwogi e bada ka nyathi, to ne ok giyie ni an ema ne achangogi.

Hosea 6:1

Jo-Israel wacho niya, “Wadoguru ir Ruoth Nyasaye. Osekidhowa, to kata kamano obiro changowa. Osehinyowa, to donge obiro keto yath e adhondewa?

Tim jo-Lawi 26:13

An e Ruoth Nyasaye ma Nyasachu ma nogolou e piny Misri mondo uwe bedo wasumb jo-Misri. Aseturo lodi ma ne otuenu, mi omiyo koro uwuotho tir.

Tim jo-Lawi 26:3

“Ka uwuotho e yorena, mi urito chikena, kendo uluwogi,

Kwan 12:13

Omiyo Musa noywak niya, “A Ruoth Nyasaye, gima kama kik timre. Akwayi ni yie ichange.”

Rapar mar Chik 12:25

Ka ok uchame, to ubiro dhi maber, kaachiel gi nyikwau nimar utimo gima long’o e nyim Ruoth Nyasaye.

Rapar mar Chik 12:28

Rituru chike duto ma amiyougi adimba, mondo un gi nyikwau une maber mochwere, kutimo gik mabeyo kendo makare e nyim Ruoth Nyasaye ma Nyasachu.

Rapar mar Chik 13:18

Ruoth Nyasaye ma Nyasachu biro timo kamano kuwinjo dwonde, kendo urito chikene ma amiyou kawuono, kendo kutimo gik malongo e nyime.

Rapar mar Chik 28:27

“Ruoth Nyasaye biro goyou gi tuo buche mag Misri gi akuodi kendo gi kalanga kod gwonyo ma ok nyal thiedhi.

Rapar mar Chik 28:58

“Ka ok urito chike duto mondiki e kitabuni, kendo ok luoro nying Ruoth Nyasaye ma Nyasachu, ma en nying maduong’ kendo malich,

Rapar mar Chik 28:60

Ruoth Nyasaye nokel tuoche duto mag Misri mane uluoro, kendo ginisik kuomu.

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

Rapar mar Chik 5:1

Musa noluongo jo-Israel duto mowachonigi niya, “Un jo-Israel winjuru chike kod buche ma awacho kuwinjo kawuononi. Puonjreuru, kendo uritgi maber.

Rapar mar Chik 7:15

Ruoth Nyasaye notiek tuoche duto kuomu bende ok nokelnu tuoche maricho mane goyou e piny Misri, to wasiku ema nokelne tuochego.