Wuok 15:25 - MUMA MALER 2015

²⁵ Musa nolamo Ruoth Nyasaye gi chunye duto, mi Ruoth Nyasaye nonyise osiki moro. Nokawe, mobole e pi, mi pi nodoko mamit. Kanyo ema Ruoth Nyasaye nomiyogie chik mogurore, kendo kanyo ema notemogie.

Motingʼo Loko Manyien

²⁵ Eka Musa noywak ne Jehova Nyasaye kendo Jehova Nyasaye nonyise yien moro. Nobole ei pi mi pi obedo mamit. Kanyo ema Jehova Nyasaye nomiyogie buche kod chike kendo notemogi.

Wuok 15:25 ပူးပေါင်းရင်းမြစ်များ

2 Ruodhi 2:21

Eka nodhi e soko, moboloe kado, kowacho niya, “Ruoth Nyasaye owachoo kama: Aseloso pigni maber; chakre kawuono ok nokel tho, kendo ok nomon piny chiek.”

2 Ruodhi 4:41

To Elisha nowacho niya, “Kara keluru mogo.” Eka nokiro mogo e agulu, mowacho niya, “Koro tokuru ni ji mondo ochiem.” Mi ne giyudo ni gima rach koro onge e agulu.

2 Ruodhi 6:6

Ng’at Nyasaye nopenje niya, “Olwar gi kanye?” Kane jalo onyise, Elisha nong’ado luth, mobolo kanyono, mi le nolewore.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 66:10

A Nyasaye isepwodhowa mana kaka ipwodho fedha gi mach.

Zaburi 81:7

Kane un e thagruok, to ne uluonga, mi akonyou. Ne adwokou gie boche polo mapondoe, kendo ne amiyou tem e sokni mag Meriba.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Zaburi 99:6

Musa gi Harun ne jodolo mage. Samuel bende ne achiel kuom joma lame. Giduto ne giywak ni Ruoth Nyasaye, mi owinjogi.

Wuok 14:10

Kane Farao ochopo machiegni, jo-Israel noting’o wang’gi, moneno ka jo-Misri lawogi machiegni, mi ne giluor ahinya, kendo ne giywak ni Ruoth Nyasaye.

Wuok 16:4

Ruoth Nyasaye nowacho ni Musa niya, “Abiro loronu chiemo koa e polo. Odiechieng’ kodiechieng’ ji nyaka dhi mondo ochok chiemo moromo chamo odiechieng’no. Kamano abiro temogi mondo ane ane ka giyie chikena.

Wuok 17:4

Kane Musa owinjo kamano nokwayo Ruoth Nyasaye gi chunye duto, kopenjo niya, “Abiro timo ang’o gi jogi, nimar gichiegni goya gi kite?”

Wuok 20:20

Musa nodwokogi niya, “Kik uluor, nimar Nyasaye osebiro mana ni mondo otemu, kendo omi usik kuluore mondo kik utim richo.”

Ngeche 17:3

Dhahabu gi fedha itemo gi mach. Chuny dhano to Ruoth Nyasaye ema temoo.

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 9:7

“Kuom mano, an Ruoth Nyasaye Manyalo Gik Moko Duto awacho ni abiro pwodho joga, ka ng’at malenyo mula mondo ogol ng’iende. Joga osetimo richo, koro ere gima datimnigi?

Ezekiel 47:7

to kane wachopo kanyo, ne aneno yien mang’eny e bath aora koni gi koni.

Ezekiel 47:8

Ng’atno nowachona niya, “Aorani mol kochomo yo wuokchieng’, kendo omol e holo mar aora Jordan, nyaka e Nam Kado. To kotundo e Nam Kado kuno, to pi namno nodok maliw.

1 Jo-Korintho 1:18

Wach msalaba en mana fuwo ni joma lal, to en teko mar Nyasaye ni wan joma ireso,

Rapar mar Chik 13:3

to kik uwinj wachne. Ruoth Nyasaye ma Nyasachu temou mondo ong’e ane kuhere gi chunyu duto.

Rapar mar Chik 8:16

bende nomiyou manna mane kwereu pok ong’eyo mondo ucham e thim. Notimo kamano mondo odwokugo piny, kotemou, eka bang’e ogwedhu.

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Jong’ad Bura 2:22

Abiro temo jo-Israel gi tim jogo, mondo ane ane ka digiluw yorena adimba kaka kweregi notimo.”

Jong’ad Bura 3:1

Ruoth Nyasaye noweyo ogendini moko mondo otemgo jo-Israel mane ok okedo e ndalo mane gikawo piny Kanaan.

Jong’ad Bura 3:4

Ruoth Nyasaye noweyo jogo mondo otemgo jo-Israel, kendo ong’ego ka ginyalo rito chike mane omiyo Musa mondo omi kweregi.