Wuok 15:22 - MUMA MALER 2015

²² Musa nogolo jo-Israel e dho Nam Makwar, kuma ne gibworoe, mi ne giwuotho e thim Shur kuom ndalo adek ma ok giyudo pi.

Motingʼo Loko Manyien

²² Eka Musa notelo ni Israel kagiwuok e Nam Makwar kendo negidhi ei thim mar Shur. Kuom ndalo adek ne giwuotho e thim ma ok giyudo pi.

Wuok 15:22 ပူးပေါင်းရင်းမြစ်များ

Chakruok 16:7

To malaika mar Ruoth Nyasaye noyudo Hagar e thim e soko manie yo madhi Shur.

Chakruok 20:1

Ibrahim noa Mamre e piny Kanaan, kawuotho matintin nyaka nochopo milambo mar pinyno, modak Gerar e kind Kadesh gi Shur.

Chakruok 25:18

Nyikwaye nodak e piny manie kind Havila gi Shur, yo wuokchieng’ mar Misri e yo madhi Asuria. Kamano ne gidak mochwalore gi owetegi ma joka Isaka.

Zaburi 136:16

Bang’e ne otelo ni joge e thim. Herane mosiko ochwere.

Zaburi 77:20

Ne itayo jogi ka jakwath, ka gin e lwet Musa gi Harun.

Zaburi 78:52

Joge owuon to nogolo oko e piny Misri, mi otelonigi e thim kaka jakwath telo ni jambe.

Zaburi 78:53

Notelonigi maber maonge masira. Wasikgi, to nam noimo!

Wuok 17:1

Oganda duto mar jo-Israel nowuok e thim Sin, mi giwuotho matintin kaka Ruoth Nyasaye ne chikogi. Ne gibworo Refidim, to pi modho ne onge kuno.

Wuok 3:18

Kamano jo-Israel biro winjo gima iwacho. Bang’e nyaka udhi gi jodong Israel ir ruodh Misri, kendo uwachne niya, ‘Ruoth Nyasaye ma Nyasach jo-Hibrania, oseromo kodwa. Omiyo koro yie iwe wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa.’

Kwan 33:8

Bang’e ne gia Pihahiroth, mi ging’ado nam nyaka thim, kendo ne giwuotho kuom ndalo adek e thim Etham, mi giguro kambi kamoro miluongo ni Marah.

1 Samuel 15:7

Eka Saulo nonego jo-Amalek, chakre Havila nyaka Shur, man yo wuok chieng’ mar Misri.

1 Samuel 27:8

Ndalogo Daudi gi joge ne monjo jo-Geshur, gi jo-Girzi, kod jo-Amalek, nikech ogendnigo ema nodak e pinyno, chakre Telam kochomo yo Shur, nyaka piny Misri.