Wuok 15:20 - MUMA MALER 2015

²⁰ Miriam janabi ma nyamin Harun nokawo bul, kendo mon duto nowuok moluwo bang’e, ka goyo bul kendo miel.

Motingʼo Loko Manyien

²⁰ Eka Miriam janabi madhako ma nyamin Harun, nokawo oyieke e lwete kendo mon duto noluwo bangʼe ka gin gi oyieke kendo ka gimiel.

Wuok 15:20 ပူးပေါင်းရင်းမြစ်များ

Chakruok 31:27

Ere gimomiyo nia ling’ling’ ka akia? Dine inyisa ni idwaro dhi, dine akowi gi mor, kiwerni kendo igoyoni thum.

2 Samuel 1:20

Kik ihul wachni e Gath. Kik igo milome mare e wang’yore mag Ashkelon, dipo ka mond Filistia obedo mamor. Ee, dipo ka nyi joma kia Nyasayego obedo moil.

2 Samuel 6:14

Nomiel aduwa e nyim Ruoth Nyasaye gi tekre duto, korwakore gi law dolo.

2 Samuel 6:16

Kane Sanduk mar Ruoth Nyasaye ochopo e dala Daudi, Mikal nyar Saulo nong’icho gie dirisa, moneno ruoth Daudi ka chikore kendo miel aduwa e nyim Ruoth Nyasaye, mi nochaye gi chunye.

2 Samuel 6:5

Daudi gi dhood jo-Israel te ne jomiel gi tekregi duto e nyim Ruoth Nyasaye ka giwer, kendo gigoyo nyigwerni gi nyidwonge gi ajape kod ongeng’o.

2 Ruodhi 22:14

Omiyo Hilkia jadolo gi Ahikam gi Akbor gi Shafan kod Asaya ne jodhi ir Hulda janabi madhako ma chi Shalum wuod Tikva, ma wuod Harhas, jarit lep lemo, mane odak Jerusalem e migawo mar ariyo. Ne giwuoyo kode,

1 Weche mag Ndalo 15:16

Daudi nochiko jotend jo-Lawi bende mondo oyier owetegi ma jower molony kendo mong’eyo goyo thumbe mopogore opogore mamit.

1 Weche mag Ndalo 6:3

To yawuot Amram ne Harun gi Nadab gi Abihu gi Eleazar kod Ithamar.

Nehemia 6:14

A Nyasacha, par gima Tobia gi Sanbalat josetimo, kendo par kaka Noadia janabi madhako kod jonabi mamoko josetemo bwoga.

Zaburi 149:3

Denduru nyinge ka umiel. Adier, gouru bul kod thum, kupakego,

Zaburi 150:4

Pakeuru kugoyo bul, kendo kumiel. Dendeuru gi thum kod asili,

Zaburi 30:11

Iseloko kuyo mane an go odoko ilo, bende iselonyo lepa mag ywak, mi imiya lewni mag mor.

Zaburi 68:11

Ruoth Nyasaye nogolo wach, mi oganda maduong’ mar mon nolando wach maberno.

Zaburi 68:25

Jower otelo, to jogo thum luwogi, ka nyiri magoyo nyiduonge ni e diergi.

Zaburi 68:26

Giwer ka giwacho niya, “Pakuru Nyasaye e chokruok mar joge. Un duto nyikwa Israel, pakuru Ruoth Nyasaye.”

Zaburi 81:2

Chakuru goyo thum gi nyidwonge. Gouru nyatiti kod orutu mamit.

Wuok 2:4

To nyamin nyathino nochung’ gi chien matin mondo one ane gima nyalo timorene.

Eklesiastes 3:4

kinde mar kuyo, gi kinde mar mor, kinde mar ywak, gi kinde mar miel,

Jeremia 31:4

Jo-Israel, abiro chako gerou, kendo ubiro tueyo gara, mi umiel gi ilo.

Mika 6:4

Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Kwan 12:1

Miriam gi Harun ne jochako kuodho Musa nikech nyar Kush mane okendo.

Kwan 12:2

Ne giwacho niya, “Musa kende ema Ruoth Nyasaye osewuoyogo koso? Wan donge osewuoyo kodwa?”

Kwan 20:1

E due mokwongo, oganda jo-Israel duto nochopo e thim Zin, kendo ne gibet Kadesh kuom kinde mogwarore. Kanyo ema Miriam nothoe, moyikee.

Kwan 26:59

to chi Amram ne nyinge Jokebed nyar Lawi, mane Lawi onywolo Misri. Jokebed nonywolo ni Amram nyithindo ma nyinggi Harun gi Musa kod Miriam ma nyamin-gi.

Luka 2:36

Ne nitie janabi madhako ma nyinge Ana nyar Fanuel, ma jadhood Asher. Ne en dhako moti ahinya. Ne okende ka en nyako, mi obet gi chwore kuom higni abiriyo,

Tich Joote 21:9

Ne en gi nyiri ang’wen ma pok okendi, mane johul wach moa kuom Nyasaye.

1 Jo-Korintho 11:5

To bende dhako malemo kata mahulo wach moa kuom Nyasaye ka ok oumo wiye, to ochayo chwore, ma en wiye nimar ochalre gi dhako moliel wiye.

1 Jo-Korintho 14:34

Mon to mondo oling’ e chokruok mana kaka obet e chokruok duto mag jo-Kristo. Ok oyienigi wuoyo, mana kaka Chik Musa bende wacho.

Jong’ad Bura 11:34

Kane Jeftha odok dalagi Mizpa, nopo koneno nyare ka ema biro romone, kagoyo thum kendo miel. Mano nene e nyathine kende. Noonge gi wuowi kata nyako machielo.

Jong’ad Bura 21:21

kendo urit une ka nyi Shilo wuok dhi miel e nyasi. Eka uwuogi, mondo ng’ato ka ng’ato kuomu omak nyako moro gi thwon, odoggo e piny Benjamin mondo obed chiege.

Jong’ad Bura 4:4

E ndalogo Debora janabi madhako ma chi Lapidoth ne jang’ad bura e Israel.

1 Samuel 10:5

Bang’ mano, kichopo e Gibea-elohim, kama jolweny mag jo-Filistia nitie, to inirom gi oganda jonabi, kalor a e hembko, ka joma goyo thumbe gi nyigwerni kod asili, otelonigi, kendo iniyud ka gidhumore.

1 Samuel 18:6

Kane Daudi dok dala koa nego ja-Filistia, mon nowuok e miech Israel duto, mondo orom ni ruoth Saulo. Ne giwero wende geto, kendo ne gimiel ka gigoyo thum gi bul.