Wuok 15:18 - MUMA MALER 2015

¹⁸ Hekalu ma in iwuon nigero. A Ruoth Nyasaye, bed Ruoth nyaka chieng’.”

Motingʼo Loko Manyien

¹⁸ Jehova Nyasaye biro locho nyaka chiengʼ.”

Wuok 15:18 ပူးပေါင်းရင်းမြစ်များ

Chakruok 21:33

Ibrahim to nopidho yath moro Beer-sheba, kendo nolamo Ruoth Nyasaye ma Nyasaye mochwere, kanyono.

Zaburi 10:16

Ruoth Nyasaye, in e ruoth mochwere nyaka chieng’, kendo joma ok ong’eyi biro lal nono e pinyi.

Zaburi 146:10

Ruoth Nyasaye nobed ruoth nyaka chieng’. A Sayun, Nyasachi nobed gi loch mochwere. Pakuru Ruoth Nyasaye!

Zaburi 29:10

Ruoth Nyasaye obet e kom duong’ne ewi ataro, korito piny kaka ruoth nyaka chieng’.

Zaburi 9:8

Orito piny gi adiera, kendo ong’ado ni ji bura kare.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Daniel 2:44

E kinde loch ruodhigo, Nyasach Polo nokel loch moro ma ok norum. Onge ng’ama noketh lojno, to en ema noketh loch mamoko duto, mi otiek chuth. En to nosik kogurore nyaka chieng’.

Daniel 4:3

“Ranyisi mag Nyasaye dongo manade! Honni motimo nigi teko malich miwuoro! Lochne osiko nyaka chieng’.

Daniel 7:14

Eka ne oyudo teko gi duong’ kod loch mar rito piny, mondo ji manie piny ngima, bed ni gia e dhoot mane, kata giwacho dhok mane, otine. Tekone ne biro bedo mosiko, kendo lochne bende ne onge ng’ama nyalo ketho.

Daniel 7:27

Eka teko kod duong’ mar ruodhi duto mae piny nochiw ni jo-Nyasaye Maduong’ Moloyo. Tekogi mag loch mar rito piny nosik mochwere, kendo ruodhi duto mae piny nobed katiyonigi kendo miyogi luor.”

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Rapar mar Chik 33:5

Ruoth Nyasaye nodoko Ruodh Israel ma bende iluongo ni jo-Jeshurum, kane jodong dhoutgi ochokore kaachiel.”