Wuok 14:9 - MUMA MALER 2015

⁹ Jo-Misri nolawogi gi farese Farao duto gi geche mag lweny gi joidh faresene, kaachiel gi joge mag lweny, mi gijukogi ka gibworo e dhonam but Pihahiroth, yo wuok chieng’ mar Baal-zefon.

Motingʼo Loko Manyien

⁹ Jo-Misri kod farese Farao gi gechegi, gi joidh farese kod jolweny nolawo jo-Israel mi gijukogi ka gibworo e bath nam machiegni gi Pi Hahiroth mochomore gi Baal Zefon.

Wuok 14:9 ပူးပေါင်းရင်းမြစ်များ

Wuok 13:18

Omiyo kar luwo yorno to Nyasaye notelonigi e yo maluoro maluwo thim kochomo Nam Makwar. Jo-Israel noa Misri koikore ni lweny.

Wuok 14:2

“Nyis jo-Israel mondo odog obwor e nyim Pihahiroth, e kind Migdol gi nam, yo wuok chieng’ mar Baal-zefon. Bworuru e dho nam, kama omanyore gi dalano.

Wuok 15:9

Jasikwa nowacho niya, ‘Analawgi, mi ajukgi! Anape mwandugi, kendo anayak gimoro amora ma adwaro. Anawuodh ligangla, kendo anatiekgi gi tekona.’

Kwan 33:7

Ne gia Etham, mi gidok chien but Pihahiroth, yo wuok chieng’ mar Baal-Zefon, mi giguro kambi kama omanyore gi Migdol.

Joshua 24:6

Kane asegolo kwereu Misri kamano, kendo gichopo e Nam Makwar, jo-Misri nolawogi kod farese gi geche mag lweny nyaka e namno.