Wuok 14:5 - MUMA MALER 2015

⁵ Kane onyis Farao ruodh Misri ni jo-Israel oseringo, chunye gi chuny jodonge nolokore ni nonego ni kik giwe gia, mi giwacho niya, “Ang’o mwasetimoni? Waseweyo wasumbwa ma jo-Israel odhi!”

Motingʼo Loko Manyien

⁵ Kane onyis ruodh Misri ni jogo osedhi, Farao gi jodonge noloko pachgi kuom jo-Israel mi giwacho niya, “Angʼo ma wasetimoni? Waseweyo jo-Israel odhi kendo tije ma yande gitiyonwa orumo!”

Wuok 14:5 ပူးပေါင်းရင်းမြစ်များ

Chakruok 31:22

Bang’ ndalo adek, Laban nowinjo ni Jakobo osea,

Zaburi 105:25

Ee, nomiyo jo-Misri obedo mamon gi joge, mi gibedo ka gitiyo kodgi e yor miganga.

Wuok 12:33

Jo-Misri norungo jo-Israel mondo oa e pinygi piyopiyo, ka giwacho niya, “Waduto wabiro tho ka ok ua.”

Wuok 14:4

Abiro miyo chunye doko matek, mi enolawu. To loch ma nalogo Farao kaachiel gi ogandane mar lweny nomi nyinga duong’, mi jo-Misri nong’e ni kara an Nyasaye.” Kamano jo-Israel notimo kaka nowachnigi.

Wuok 14:6

Omiyo Farao noiko gache mar lweny, modhi gi joge mag lweny.

Wuok 15:9

Jasikwa nowacho niya, ‘Analawgi, mi ajukgi! Anape mwandugi, kendo anayak gimoro amora ma adwaro. Anawuodh ligangla, kendo anatiekgi gi tekona.’