Wuok 14:27 - MUMA MALER 2015

²⁷ Mi Musa norieyo bade e nam, kendo kane piny oyawore, pi noduogo e wang’e machon. Jo-Misri noyudo ringo kane pi duogo, mi Ruoth Nyasaye notiekogi e chuny nam.

Motingʼo Loko Manyien

²⁷ Musa norieyo bade e nam kendo ka piny ne oyawore, to nonwangʼo ka pi osedok e wangʼe. Jo-Misri ne ringo kochomo dier nam, kendo Jehova Nyasaye noywerogi gi pi nyaka ei namno.

Wuok 14:27 ပူးပေါင်းရင်းမြစ်များ

Nehemia 9:11

Nipogo nam diere e nyimgi, mi ging’ado ka giwuotho e lowo motwo, To joma ne lawogi niwito e kut ka kidi mowit e apaka mar nam.

Zaburi 106:11

Pi noimo wasikgi ma onge kata achiel modong’.

Zaburi 136:15

Farao gi jolwenje, to nomiyo onimo e nam. Herane mosiko ochwere.

Zaburi 78:53

Notelonigi maber maonge masira. Wasikgi, to nam noimo!

Isaya 10:26

Abiro chwadogi gi del, mana kaka ne achwado jo-Midian kane atiekogi e lwanda Oreb, kendo kaka ne achwado jo-Misri e Nam Makwar.

Rapar mar Chik 11:4

Donge nuneno gima notimo gi jolwenj Misri gi faresegi kod gechegi? Kane oyudo gilawou, nomiyo pi Nam Makwar oimogi, motiekogi pep.

Jo-Hibrania 11:29

Yie ema ne omiyo jo-Israel ong’ado Nam Makwar, mana ka gima en lowo motwo. Jo-Misri to kane otemo ng’ade, to pi noimo.

Joshua 24:7

To kane jo-Israel oywakna gi chunygi duto, naketo mudho e kindgi gi jo-Misri, kendo namiyo nam oduogo moimo jo-Misrigo, kendo nuneno gima natimonigi. “Bang’ mano ne udak e thim ndalo mang’eny,

Joshua 4:18

To kane jodolo oseidho loka, monyono lowo motwo, aora nochako mol kendo, mi genge nopong’ kaka chon,