Wuok 14:25 - MUMA MALER 2015

²⁵ Nomiyo tiend gechegi omoko, mi koro ne ok ginyal ringo maber, nyaka jo-Misri nowacho niya, “Ruoth Nyasaye ema kedonigi kodwa.”

Motingʼo Loko Manyien

²⁵ Nomiyo tiende gechegi owuok mine ok ginyal riembogi. Eka jo-Misri nowacho niya, “Waringuru waa kuom jo-Israel! Jehova Nyasaye ema kedonegi kod jo-Misri.”

Wuok 14:25 ပူးပေါင်းရင်းမြစ်များ

2 Weche mag Ndalo 20:29

Kane ruodhi mag pinje mamoko duto owinjo kaka Ruoth Nyasaye osekedo gi wasik Israel, luoro moa kuom Ruoth Nyasaye nomakogi.

Nehemia 4:14

Eka narango piny kaka chalo, manyiso ruoth kod jotelo gi ji duto niya, “Kik uluorgi, to paruru Ruoth Nyasaye maduong’ kendo malich, kendo uked ni oweteu gi yawuotu gi nyiu gi mondu kod miechu.”

Nehemia 6:16

Kane wasikwa owinjo kamano, kendo ogendini mokiewo kodwa oneno tijno, ne giwuoro kaka en tich maduong’, kendo ne ging’eyo ni Nyasachwa ema nokonyowa.

Nehemia 9:11

Nipogo nam diere e nyimgi, mi ging’ado ka giwuotho e lowo motwo, To joma ne lawogi niwito e kut ka kidi mowit e apaka mar nam.

Ayub 11:20

To joma timbegi richo norang koni gi koni, ka luoro omako, nikech onge yo moro ma ginyalo tonygo, to tho kende ema ginigen ni biro tiekogi.”

Ayub 20:24

Ka otemo ringo mondo oyomb ligangla mar nyinyo, to asere mar mula chwowe.

Ayub 27:22

Enokudh kuomgi matek, ma ok oweyonigi thuolo, kendo kata obedo ni ginitem kaka ginyalo mondo gitony,

Zaburi 35:1

A Ruoth Nyasaye, kwed joma piem koda, kendo ked gi jogo ma kedo koda.

Zaburi 46:9

Otieko lwenje e piny duto. Oturo atunge kod tonge, kendo owang’o okumbni gi mach.

Zaburi 68:12

Ruodhi gi jolwenjgi noringo lweny, kendo mon manie mier nopogo gik moyaki.

Zaburi 76:6

Kane ibwogogi, yaye Nyasach Jakobo, farese gi joithgi nogore piny, mi parogi olal.

Wuok 14:14

Ruoth Nyasaye biro kedonu, omiyo un ling’uru aling’a.”

Wuok 14:18

Eka jo-Misri nong’e ni kara an Ruoth Nyasaye, kaseloyogi.”

Wuok 14:4

Abiro miyo chunye doko matek, mi enolawu. To loch ma nalogo Farao kaachiel gi ogandane mar lweny nomi nyinga duong’, mi jo-Misri nong’e ni kara an Nyasaye.” Kamano jo-Israel notimo kaka nowachnigi.

Wuok 15:3

Ruoth Nyasaye en jalweny, kendo Ruoth Nyasaye nyinge.

Isaya 31:4

Ruoth Nyasaye osewachona niya, “Kaka sibuor kata nyathi sibuor ng’ur, kachamo chiayo mosemako, to ok odew, bende ok oluor kata ka jokwath mang’eny ochokore ka goyo koko, mondo oriembe, e kaka Ruoth Nyasaye Manyalo Gik Moko Duto nolor piny mondo oked ewi got Sayun.

Jeremia 51:21

kendo kuom chadho farese gi joma idhogi, kuom turo geche lweny kod joma riembogi,

Amos 1:14

Kuom mano abiro moko mach e ohinga mar Raba mondo owang’ kuonde mochiel motegno mag dalano. Ji nogo mahu chieng’ kedo, kendo lweny nobed maliet ka mach.

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Amos 9:1

Ne aneno Ruoth Nyasaye kochung’ e bath kendo mar misango, kowacho niya, “Tuom sirni mag hekalu, mondo agola duto oyiengni. Mukgi mondo gilwar ewi ji, to ji duto modong’ anami otho e lweny. Onge ng’at ma noringi, kata ma notony.

Rapar mar Chik 1:30

Ruoth Nyasaye ma Nyasachu e jatendu, kendo en ema obiro kedonu, mana kaka nokedonu e Misri cha.’

Rapar mar Chik 3:22

Kik uluorgi, nimar Ruoth Nyasaye ma Nyasachu ema biro kedonu.’

Rapar mar Chik 32:31

To adier, lwanda mar wasikwa ok chal gi Lwandawa, kata mana wasikwa bende ong’eyo kamano.

Joshua 10:14

Pok osebedoe odiechieng’ machal kamano, ma Ruoth Nyasaye owinjoe dwond dhano, nimar chieng’no Ruoth Nyasaye nokedo ni jo-Israel.

Jong’ad Bura 4:15

Ruoth Nyasaye nodhuolo Sisera gi gechene kod jolwenje e nyim Barak, mi Sisera nolor e gache moringo gi tiende.