Wuok 14:22 - MUMA MALER 2015

²² kendo jo-Israel nong’ado namno kawuotho e lowo motwo, ka pi ogingore koni gi koni.

Motingʼo Loko Manyien

²² kendo jo-Israel nongʼado nam kawuotho e lowo motwo, ka pi ogingore e bathgi korachwich gi koracham.

Wuok 14:22 ပူးပေါင်းရင်းမြစ်များ

2 Ruodhi 2:14

Nochwado pi gi law Elijano kowacho niya, “Ere Ruoth Nyasaye ma Nyasach Elija?” Kane osechwado pi kamano, pi nopogore koni gi koni, mi nong’ado aora.

2 Ruodhi 2:8

Eka Elija nobano lawe mar abola, mochwadogo pi, mi pi nopogore koni gi koni, eka ji ariyogo noyudo thuolo mar ng’ado aora kotwo.

Nehemia 9:11

Nipogo nam diere e nyimgi, mi ging’ado ka giwuotho e lowo motwo, To joma ne lawogi niwito e kut ka kidi mowit e apaka mar nam.

Zaburi 106:9

Ne ogolo chik, mi Nam Makwar oduono, eka ne otelo ni joge mong’ade, mana ka gima en lowo motwo.

Zaburi 136:13

Ne obaro Nam Makwar. Herane mosiko ochwere.

Zaburi 136:14

Eka ne otelo ni jo-Israel, mong’ade. Herane mosiko ochwere.

Zaburi 66:6

Ne oloko nam odoko lowo motwo, mi kwerewa ong’ado aora gi tiendegi! Kanyo ne gibedo mamor nikech gima ne otimo.

Zaburi 74:15

Nimiyo sokni gi aore omol, kendo in ema nimiyo aore ma ok duon oduono.

Zaburi 78:13

Ne obaro nam, mi otelonigi nyaka gikadho, ka pi ogingore ka ohinga koni gi koni

Wuok 14:29

To jo-Israel noseng’ado nam, ka wuotho e lowo motwo, ka pi ogingore koni gi koni.

Wuok 15:19

Farese Farao kod gechene gi joithgi nodonjo e nam, mi Ruoth Nyasaye noduogo pi, moimogi. To jo-Israel nong’ado nam, kawuotho e lowo motwo.

Wuok 15:8

Much umi nomiyo pi ogingore, mi apaka nochung’ tir ka ohinga, kendo nam matut ne opoto nyaka pier pi piny

Isaya 11:15

Ruoth Nyasaye nomi Nam Makwar duon, eka norie lwete e aora Yufrate, mi okel yamo maliet ma opoggo aorano dibiriyo, mondo ji ong’ade ka otwo.

Isaya 11:16

Kamano ndara nobedie ni jo-Ruoth Nyasaye manok, modong’ kuom joma ne oter Asuria mana kaka ndara nobetie ni jo-Israel kawuok Misri.

Isaya 43:16

An Ruoth Nyasaye ema ne apogo nam, mondo yo obedie e kind pige mogingore madongo.

Isaya 51:10

Donge in ema ne idwono pi ataro, mi iloko kuonde matut mag nam obedo yo, mondo joma owar okadhie?

Isaya 63:12

kendo mane otiyo gi tekone mang’ongo e dir Musa korachwich, mobarogo pi e nyimgi, mondo nyinge oyud duong’ mochwere?

Isaya 63:13

Ne omiyo ging’ado nam mayot, mana kaka faras ng’ado thim,

Zekaria 2:5

Ruoth Nyasaye owacho ni obiro bedone ohinga mar mach molwore, kendo obiro bedone duong’ maler e diere.”

Kwan 33:8

Bang’e ne gia Pihahiroth, mi ging’ado nam nyaka thim, kendo ne giwuotho kuom ndalo adek e thim Etham, mi giguro kambi kamoro miluongo ni Marah.

1 Jo-Korintho 10:1

Owetena, adwaro ni mondo ung’e tiend gima notimore ni kwerewa: Bor polo notelo nigi giduto ka nie wigi malo, kendo giduto ne ging’ado Nam Makwar.

Jo-Hibrania 11:29

Yie ema ne omiyo jo-Israel ong’ado Nam Makwar, mana ka gima en lowo motwo. Jo-Misri to kane otemo ng’ade, to pi noimo.

Joshua 3:16

gikanyono pi nochung’ gi yo ka malo, kogingore machiegni gi Adam, dala man but Zarethan. Pi mane mol kochomo nam mar Araba, miluongo ni Nam Kado, noduono chuth, mi jo-Israel nong’ado aora kama omanyore gi Jeriko.

Joshua 3:17

Jodolo ma noting’o Sandug Muma mar Ruoth Nyasaye nochung’ e lowo motwo e dier Jordan nyaka jo-Israel duto notieko kadho, ka giwuotho e lowo motwo.

Joshua 4:22

to ununyisgi ni jo-Israel nong’ado aora Jordan kotwo,

1 Samuel 25:16

to ne gibedonwa kaka ohinga mogeng’onwa odiechieng’ gotieno.