Wuok 14:13 - MUMA MALER 2015

¹³ Musa nodwokogi niya, “Kik uluor! Chung’uru motegno mondo une kaka Ruoth Nyasaye biro resou kawuono, nimar jo-Misri munenogi, ok unune kendo.

Motingʼo Loko Manyien

¹³ Musa nodwoko ogandano niya, “Kik ubed maluor. Chungʼuru motegno eka ubiro neno resruok ma Jehova Nyasaye biro kelonu kawuono. Jo-Misri ma uneno kawuononi ok unuchak une kendo.

Wuok 14:13 ပူးပေါင်းရင်းမြစ်များ

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Chakruok 26:24

To nopo ka Ruoth Nyasaye ofwenyorene gotieno, mowachone niya, “An e Nyasach Ibrahim wuoru. Kik iluor, nikech an kodi. Abiro guedhi, kendo abiro miyi nyikwayo mang’eny, nikech singruok mane atimo ni Ibrahim jatichna.”

Chakruok 46:3

Eka Nyasaye nowachone niya, “An Nyasaye ma Nyasach wuoru. Kik iluor dhi Misri, nikech anatimi oganda maduong’ kuno.

Chakruok 49:18

“A Ruoth Nyasaye, arito warruok moa kuomi!

2 Ruodhi 6:16

Nodwoke niya, “Kik iluor, nimar jowa ng’eny moloyogi.”

1 Weche mag Ndalo 11:14

To gin ne gichung’ gineno jo-Filistiago e dier puodhono, ka girite, kendo ne ginego jo-Filistiago. Mano e kaka Ruoth Nyasaye noreso jo-Israel, komiyogi loch maduong’.

2 Weche mag Ndalo 20:15

Nowacho niya, “Un jo-Juda duto gi joma odak Jerusalem, kod ruoth Jehoshafat, winjuru gima Ruoth Nyasaye owachonu. Owacho ni kik uluor oganda maduong’ni, kendo chunyu kik parre, nimar lweny ok en maru to en mar Nyasaye.

2 Weche mag Ndalo 20:17

To un, jo-Juda gi jo-Jerusalem, ok onego uked e lwenjni. Kuseriedo ni lweny, to uchung’ achung’a, mondo une kaka Ruoth Nyasaye biro lochonu. Kik uluor, kendo chunyu kik parre. Kiny uwuognigi awuoga, kendo Ruoth Nyasaye biro konyou.”

Nehemia 9:9

“Bende nineno masiche mane kwerewa oyudo e piny Misri, kendo niwinjo ywakgi e Nam Makwar.

Zaburi 3:8

Warruok wuok mana kuomi, A Nyasaye. Yie iguedh jogi!

Zaburi 68:21

Adier, Nyasaye nobar dier wi wasike. Ee, nopuod wi jogo mosiko ka timo richo.

Zaburi 78:53

Notelonigi maber maonge masira. Wasikgi, to nam noimo!

Zaburi 91:8

Inirang aranga mi ine kaka joricho yudo kum.

Wuok 14:30

Kamano e kaka Ruoth Nyasaye noreso jo-Israel e lwet jo-Misri odiechieng’no. Bang’e jo-Israel noneno jo-Misri koriere e dhonam kosetho.

Wuok 20:20

Musa nodwokogi niya, “Kik uluor, nimar Nyasaye osebiro mana ni mondo otemu, kendo omi usik kuluore mondo kik utim richo.”

Isaya 26:3

Joma parogi osiko kuomi, A Nyasaye, irito gi kue. Gin gi kue nikech gigeno kuomi.

Isaya 30:15

Ruoth Nyasaye ma Ng’ama Ler mar Israel owacho niya, “Kuduogo ira, mi ubedo gi kue, to unuyud resruok. Bende kudemboru, kendo uketo genou kuoma, to un ubed gi teko.” To kata kamano ne udagi,

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 43:11

An kende e Ruoth Nyasaye. Onge jawar moro mak mana an.

Isaya 7:4

‘Nyaka ibed gi kue, ma ok ibedo maluor. Kik iwe mirima mager ma Rezin gi jo Aram kod wuod Remalia nigo, nyos chunyi, nikech gin mana meny ariyo mag mach motimo iro.

Jeremia 3:23

Onge resruok ma wanyalo yudo kuom lemo ewi gode, kata kuom joma goyo koko kuonde moting’ore. Konyruok ma wayudo wan jo-Israel, wuok mana kuom Ruoth Nyasaye ma Nyasachwa.

Ywagruok 3:26

En gima ber bedo gi kue, kirito Ruoth Nyasaye mondo oresi.

Hosea 1:7

to anaher jo-Juda. An Ruoth Nyasaye anaresgi, to ok naresgi gi lweny, kata gi gilweny.”

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Hosea 13:9

“Un jo-Israel abiro tiekou, to koro ere ng’ama dikonyu?

Habakuk 3:13

Ibiro mondo ires jogi, kaachiel gi ruoth miseyiero. Iseketho od jaricho, chakre tado nyaka dier ot, kimuko mise mare chuth.

Habakuk 3:8

A Ruoth Nyasaye, mirima omaki gi aore koso? Koso ikecho gi nam, ma omiyo ibiro kiidho fareseni kod gecheni ma ilochogo?

Kwan 14:9

To kik uwe Ruoth Nyasaye, bende kik uluor jopinyno, nimar wabiro mwonyogi amwonya. Tipo ma nyocha ogeng’ogi osea, to wan, Ruoth Nyasaye ni kodwa, omiyo kik uluorgi.”

Mathayo 28:5

To malaika nowacho ni mongo niya, “Kik ubed maluor. Ang’eyo ni udwaro Yesu ma nyocha ogur e msalaba,

Rapar mar Chik 20:3

kendo nowach niya, ‘Un jo-Israel, winjuru, kawuono uyworo machiegni mondo uked gi wasigu. Kik chunyu nyosre, kendo kik uluor. Kibaji bende kik gou kuneno wasikugo,

1 Samuel 11:13

To Saulo nowacho niya, “Kawuono ok nyal neg ng’ato, nikech tinendeni ema Nyasaye oresoe jo-Israel.”

1 Samuel 12:16

“Emomiyo koro ling’uru, une gima duong’ ma Ruoth Nyasaye biro timo e nyimu.