Wuok 13:9 - MUMA MALER 2015

⁹ Raparni nyaka bed ka kido e lwetu, kendo ka ranyisi e lela wang’u mondo usik kuwacho chik Ruoth Nyasaye e dhou, nimar Ruoth Nyasaye nogolou Misri gi tekone maduong’.

Motingʼo Loko Manyien

⁹ Raparni biro bedonu kaka ranyisi e lwetu kendo e lela wangʼu ni chik Jehova Nyasaye nyaka bed e dhou kinde duto, Jehova Nyasaye nogolou e piny Misri gi lwete maratego.

Wuok 13:9 ပူးပေါင်းရင်းမြစ်များ

Nehemia 1:10

A Ruoth Nyasaye, jo-Israel gin jotichni kendo jogo misewaro gi tekoni kod badi motegno.

Zaburi 136:11

Ne ogolo jo-Israel e piny Misri. Herane mosiko ochwere.

Zaburi 136:12

Adier, nogologi gi lwete motegno kod bade mojing’! Herane mosiko ochwere.

Zaburi 89:13

Mano kaka iratego! Adier, mano kaka tekoni ng’eny!

Wuok 12:14

“Odieching’no nobednu chieng’ rapar, omiyo nyaka urite ka sawo mochwere ni Ruoth Nyasaye kuom tiengeu duto.

Wuok 12:41

To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Wuok 13:14

Ka chieng’ moro yawuotu penjou ni, ‘Ere tiend gima utimoni?’ To nyaka uduokgi niya, ‘Ruoth Nyasaye nogolowa gi tekone maduong’ e piny Misri, kuma ne wabedoe wasumbini.

Wuok 13:16

Timni nyaka bednu rapar, mana ka kido manie lwetu kata ka ranyisi manie lend wang’u, nikech Ruoth Nyasaye nogolowa Misri gi tekone maduong’.’ ”

Wuok 13:3

Musa nowacho ni jo-Israel niya, “Nyaka upar odiechieng’ ma uwuokie Misrini, nikech Ruoth Nyasaye ogolou gi tekone maduong’ e piny mane ubedoe wasumbini. Makati moketie thowi ok onego cham kawuono,

Wuok 3:20

To abiro tiyo gi tekona, mi nasand Misri gi honni duto ma natim kuno. Eka bang’e noyienu mondo udhi.

Wuok 7:4

To kata kamano Farao ok nowinju. Omiyo anasand Misri gi timbe madongo kakumo jo-Misri malich, mi nagol joga ma jo-Israel e Misri, kochan-gi e dhoutgi.

Ngeche 1:9

nimar puonjgi biro loso kiti maber, mana kaka kondo kata thiwni miyo ng’ato nenore maber.

Ngeche 3:21

Wuoda, rit riekoni kod paroni matut. Kik iwe gilalni.

Ngeche 7:23

ka kia ni ochomo asere ma biro hobo adundone, kata ka winyo mochiko obadho motegne, to en owuon ok ong’eyo ni ngimane ni e tho!

Wer Mamit 8:6

Kik iher ng’ato nono mak mana an. Adier, kik ikwak nyako moro nono mak mana an. Hera nigi teko mana ka tho. Chutho, hera matut tek mana ka tho hie. Omuoch mach, kendo oliel mana ka mach mang’ang’ni,

Isaya 27:1

Chieng’no Ruoth Nyasaye nokaw liganglane mabith kendo motegno, mi oneggo Levayathan, kod thuol malich kendo manudore, modak e nam.

Isaya 40:10

Ng’euru ni Ruoth Nyasaye biro gi teko. Obiro loyo piny gi tekone maduong’ neuru, obiro gi joge mogonyo e lweny ka wuotho e nyime, ka gik moyako.

Isaya 44:5

Ng’at moro nowach niya, ‘An ng’at Ruoth Nyasaye.’ To machielo nowach ni en nyakwar Jakobo. Ng’at moro to nondik nying Ruoth Nyasaye e lwete, kendo noluongre gi nying Israel.”

Isaya 49:16

Ne! Asegori e tat lweta, kendo ohingani osiko neno anena e wang’a.

Isaya 51:9

A malo! A malo! Jiw badi motegno, A Ruoth Nyasaye. Jiwri kaka nijiwori chon e ndalo mokadho. Donge in ema nichwowo Ondieg Nam miluongo ni Rahab, mi ing’ado matindotindo?

Isaya 59:21

To bende Ruoth Nyasaye wacho niya, “Singruok ma abiro timo kodgi e ma: Roho mara man kuomu, kod wechena ma aseketo e dhou, nosik kodu chakre kawuono, nyaka kuom tienge duto mabiro mag nyikwau. An Ruoth Nyasaye ema awacho kamano.”

Jeremia 22:24

Ruoth Nyasaye nowacho ni Jekonia wuod Jehoyakim ma ruodh Juda niya, “An Nyasaye mangima akuong’ora ni kata ka inie tere manie lweta ma korachwich to pod dawuodhi oko,

Daniel 9:15

“Ruoth Nyasachwa, ne inyiso tekoni kuom golo jogi e piny Misri, kendo imiyo nyingi obedo gi huma ma pod osiko nyaka chil kawuono. Wan waseketho, kendo wasetimo richo.

Joel 2:11

Ruoth Nyasaye ruto e nyim ogandane mar lwenyno. Joge mag lweny ng’eny, kendo rateke. Ndalo Ruoth Nyasaye lich manade! Ere ng’ama nyalo siro chieng’no?

Kwan 15:39

Kamano e kinde duto ma unenoe usi mominno, to nupar chike duto mag Ruoth Nyasaye mi unumakgi, kendo ok unuluw yore maricho ma wengeu gi chunyu nyalo teroue.

Mathayo 23:5

Gik moko duto ma gitimo, gitimo mana ni mondo ji onegi. Gitueyo gik madongo moting’o weche Muma, e pat wag’gi kendo e bedegi, kendo girwako lewni momin usi maboyo e riakgi,

Jo-Rumi 10:8

Ooyo Muma wacho kama: “Wach Nyasaye chiegni kodi; en mana e dhogi kendo e chunyi.” En e wach mar yie mwalando niya,

Rapar mar Chik 30:14

To wach Nyasaye chiegni kodu ahinya, kendo en mana e dhou kendo e chunyu, omiyo ritogo yot.

Rapar mar Chik 5:15

Paruru malong’o ni un uwegi ne un wasumbni e piny Misri, to Ruoth Nyasaye ma Nyasachu nogolou kuno gi teko mathoth kod bat morie. Mano emomiyo Ruoth Nyasaye ma Nyasachu nochikou ni mondo urit Sabato.

Rapar mar Chik 6:21

To nudwokgi niya, ‘Ne wan wasumb Farao e piny Misri, to Ruoth Nyasaye nogolowa kuno gi teko maduong’.’

Rapar mar Chik 6:6

Chike ma amiyou kawuonogi, kanuru e chunyu,

Rapar mar Chik 6:8

Tuegiuru ka ranyisi e lwetu, kendo mien-giuru e lend wang’u ka kido,

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”

Jong’ad Bura 2:12

Ne giweyo Ruoth Nyasaye ma Nyasach kweregi mane ogologi Misri, mi giluwo nyiseche mamoko mag ogendini mane gidakgo. Ne gilamo nyisechego, mi gimiyo Ruoth Nyasaye mirima.