Wuok 13:7 - MUMA MALER 2015

⁷ Makati ma ok ketie thowi, ema nucham kuom ndalo abiriyogo, to makati miketoe thowi, kata gimoro amora moket gi thowi, kik yud e pinyu duto.

Motingʼo Loko Manyien

⁷ Chamuru makati ma ok oketie thowi kuom ndalo abiriyogo; gimoro amora man-gi thowi kik yudi e kindu kata e pinyu duto.

Wuok 13:7 ပူးပေါင်းရင်းမြစ်များ

Wuok 12:15

Nyaka ucham makati ma ok ketie thowi kuom ndalo abiriyo. Chieng’ mokwongo, nyaka ugol thowi duto manie uteu, nimar ka ng’ato kuomu ochamo makati moketie thowi chakre chieng’ mokwongo nyaka chieng’ mar abiriyo to nong’ad kare oko kuom oganda jo-Israel.

Wuok 12:19

Kuom ndalo abiriyogo kik thowi bedie uteu, nikech ng’at mochamo gimoro moketie thowi nong’ad kare oko kuom oganda jo-Israel, bed ni en japiny kata jadak.

Mathayo 16:6

Yesu nowachonigi niya, “Yawuru wang’u mondo ubed motang’ ni thop jo-Farisai gi thop jo-Sadukai.”

1 Jo-Korintho 5:8

Emomiyo koro watimuru sawo mana gi makati ma ok ketie thowi, tiende ni makati mar chuny ler kod adiera, to ok makati moketie thowi machon mar himruok kod richo.

Rapar mar Chik 16:4

Kik ubed gi thowi kamoro amora e pinyu kuom ndalo abiriyogo, to bende ring chiayo muyang’o godhiambo e odiechieng’ mokwongo mar sawo kik nind nyaka okinyi mak uwang’o pep.

Joshua 5:11

Kinyne ne gichamo chamb Kanaan. Ne en chamb abula, kod makati moted maonge thowi.