Wuok 13:5 - MUMA MALER 2015

⁵ Ruoth Nyasaye nosingore ni kwereu ni nomiu piny momew kendo machiek ahinya ma jo-Kanaan gi jo-Hiti gi jo-Amor gi jo-Hivi gi jo-Jebus odakie. Ka Ruoth Nyasaye oseterou kuno, to nyaka utim sawoni e due nogoni.

Motingʼo Loko Manyien

⁵ Ka Jehova Nyasaye okelou e piny jo-Kanaan gi jo-Hiti gi jo-Amor gi jo-Hivi kod jo-Jebus, piny ma nosingore ne kwereu ni nomiu, piny mopongʼ gi chak kod mor kich; to nyaka utim sawoni e dweni:

Wuok 13:5 ပူးပေါင်းရင်းမြစ်များ

Chakruok 26:3

Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

1 Weche mag Ndalo 1:15

gi jo-Hivi gi jo-Arki gi jo-Sini

Wuok 12:24

“Rituru chikegi mochwere kaachiel gi nyithindu.

Wuok 13:10

Rituru chikni e higa ka higa e ndalo moketi.”

Wuok 13:11

“Ruoth Nyasaye nokelu e piny Kanaan mane osingore ni nomiu kaachiel gi kwereu. Kosemiyougo,

Wuok 3:17

Koro aseng’ado wach ni nyaka agolu e piny Misri kuma isandoue, mi ateru e piny ma jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebuz odakie. En piny momew kendo machiek.’

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Wuok 32:13

Par jotichni ma Ibrahim gi Isaka kod Israel, kendo kaka nikuong’orinigi gi nyingi iwuon, kiwacho niya, ‘Anamiu nyikwayo mang’eny ka sulue ma e polo, kendo anamigi pinyni duto kaka nasingora, ni nobed margi nyaka chieng’.’ ”

Wuok 33:1

Ruoth Nyasaye nowacho ni Musa niya, “Wuoguru in kaachiel gi joma nigolo Misri, kendo udhi e piny mane asingora ni nami Ibrahim gi Isaka kod Jakobo, kawachonigi ni nami nyikwagi pinyno.

Wuok 34:11

Kuom mano, rituru chike ma abiro miyou kawuono, eka abiro riembo jo-Amor gi jo-Kanaan gi jo-Hiti gi jo-Perizi gi jo-Hivi kod jo-Jebus mondo owenu thuolo.

Wuok 6:4

Bende natimo kodgi singruok, kawachonigi ni namigi piny Kanaan, mane ginie jodak.

Wuok 6:8

Anateru e piny mane asingora ni nami Ibrahim gi Isaka kod Jakobo, kendo anamiugo mondo obed maru, an e Ruoth Nyasaye.’ ”

Jeremia 11:5

Bang’e eka anachop singruok mane atimo gi kweregi ni namigi piny maber kendo momew, ma koro gintieni.” Jeremia nodwoko Ruoth Nyasaye niya, “Ee, ayie timo kamano.”

Jeremia 32:22

Ne imiyogi piny maber kendo momewni, mana kaka nisesingori ni kweregi.

Ezekiel 20:6

Mano e kinde mane asingorae ni abiro gologi e Misri mondo atergi e piny momew kendo maberie moloyo pinje mamoko duto, mane aseyieronigi.

Tim jo-Lawi 20:24

Ne gitimo gik marichogo duto, mi asin kodgi, omiyo nawachonu ni abiro miyou pinygi maber kendo momewno mondo ukaw. An e Ruoth Nyasaye ma Nyasachu mosepogou gi ogendini mamoko,

Kwan 11:12

An e min-gi mane onywologi? Koso ka gidhi e piny mane isingori ni nimi kweregi, to nyaka ating’gi mana e kora kaka japidi ting’o nyathi?

Kwan 13:27

To ne giwacho ni Musa niya, “Ne wadhi mwawuotho e piny mane iorowa,

Kwan 14:16

‘Ruoth Nyasaye osetieko jogi e thim, nikech kelogi e piny mane osingorenigi otame.’

Kwan 14:30

Onge ng’ato kuomu ma nodonj e piny mane akuong’ora kating’o bada ni nobed maru, to mak mana Kaleb wuod Jefune gi Joshua wuod Nun.

Kwan 32:11

‘Jo-Israel osedagi luwa gi chunygi duto, omiyo onge kata ng’ato achiel ma jahigni piero ariyo kata mokadho kanyo mane owuok Misri, ma none piny mane asingora ni Ibrahim gi Isaka kod Jakobo.

Rapar mar Chik 12:29

“Ka Ruoth Nyasaye ma Nyasachu osetieko ogendini ma udonjo e pinygi, mi ukawo kargi, kendo udak e pinyno,

Rapar mar Chik 19:1

“Ka Ruoth Nyasaye ma Nyasachu osetieko ogendini ma obiro miyou pinygi, mi ukawo miechgi gi utegi, udakie,

Rapar mar Chik 26:1

“Ka usechopo e piny ma Ruoth Nyasaye ma Nyasachu biro miyou mondo obed mwanduu, mi udak kuno,

Rapar mar Chik 7:1

“Ka Ruoth Nyasaye ma Nyasachu oterou mondo ukaw piny ma ubiro dhiyoeno, noriembnu ogendini abiriyo madongo kendo marateke moloyou, ma gin jo-Hiti, gi jo-Girgash gi jo-Amor gi jo-Kanaan gi jo-Perizi gi jo-Hivi kod jo-Jebus.

Joshua 24:11

Eka bang’e nung’ado aora Jordan, muchopo Jeriko. Jo-Jeriko gi jo-Amor gi jo-Perizi gi jo-Kanaan gi jo-Hiti gi jo-Girgash gi jo-Hivi kod jo-Jebus nokedo kodu, to namiyo uloyogi duto.