Wuok 13:22 - MUMA MALER 2015

²² Siro mar bor polo nosiko kotelo nyimgi godiechieng’ to siro mar mach ne telonigi gotieno.

Motingʼo Loko Manyien

²² Boche mag polo mane otelonegi godiechiengʼ kata ligek mach mane otelonegi gotieno ne ok owuok kama ne entiere e nyim ogandano.

Wuok 13:22 ပူးပေါင်းရင်းမြစ်များ

Nehemia 9:12

Godiechieng’ nitelonigi e siro mar bor polo, to gotieno nitelonigi gi siro mar mach mondo omenynigi yo ma giwuothoe.

Nehemia 9:19

To kata kamano kuom ng’wononi maduong’ ne ok ijwang’ogi e thim. Siro ma bor polo nosiko ka telonigi godiechieng’, to gotieno siro mar mach nosiko ka menyonigi yo mane giwuothoe.

Wuok 14:1

Ruoth Nyasaye nowacho ni Musa niya,

Wuok 14:19

Malaika mar Nyasaye mane otelo e nyim oganda jolweny mar Israel noa modok kang’egi. Siro mar bor polo bende noa e nyimgi, mi nodok mochung’ kang’egi,

Wuok 40:38

Kamoro amora mane jo-Israel dhiye, bor polo mar Ruoth Nyasaye nosiko ewi Hema Maler godiechieng’, to gotieno mach ne liel ei bor polono, kendo jo-Israel duto ne nyalo nene.

Isaya 4:5

Bang’e Ruoth Nyasaye nohon rumbi mar iro godiechieng’, kod ligek mach mang’ang’ni gotieno e wi udi man e got Sayun, kod kuonde chokruok, nikech duong’ nolandore kuonde duto

Kwan 9:15

Chieng’ mane giguroe Hema Maler, ma en Hemb Rapar, bor polo ne oime, to godhiambo ler machal gi mach nothinyore e wiye, mosiko kanyo nyaka okinyi.

Fweny 10:1

Bang’e ne aneno malaika machielo maratego koa e polo. Ne orwakore gi bor polo, kendo lihudu nolworo wiye, to wang’e ne chalo gi sirni makakni ka mach.