Wuok 13:21 - MUMA MALER 2015

²¹ Godiechieng’ Ruoth Nyasaye notelo nyimgi kobet e siro mar bor polo, mondo onyisgi yo, to gotieno notelo nyimgi ei siro mar mach, mondo omenynigi ler. Kamano ne ginyalo wuotho odiechieng’ gotieno.

Motingʼo Loko Manyien

²¹ Godiechiengʼ Jehova Nyasaye netelonegi gi bor polo mondo otelnegi e yorgi kendo gotieno notelonegi gi ligek mach mondo omigi ler, mondo mi negiwuothi odiechiengʼ kata otieno.

Wuok 13:21 ပူးပေါင်းရင်းမြစ်များ

Nehemia 9:12

Godiechieng’ nitelonigi e siro mar bor polo, to gotieno nitelonigi gi siro mar mach mondo omenynigi yo ma giwuothoe.

Nehemia 9:19

To kata kamano kuom ng’wononi maduong’ ne ok ijwang’ogi e thim. Siro ma bor polo nosiko ka telonigi godiechieng’, to gotieno siro mar mach nosiko ka menyonigi yo mane giwuothoe.

Zaburi 105:39

Nyasaye ne oyaro bor polo ka pasia mondo ogeng’go joge, bende ne omiyogi mach mamenyonigi gotieno.

Zaburi 68:7

A Nyasaye ma ruodh Sinai, e kinde mane itelo ni jogi king’ado thim,

Zaburi 77:20

Ne itayo jogi ka jakwath, ka gin e lwet Musa gi Harun.

Zaburi 78:14

E kinde mag odiechieng’ ne otelonigi gi bor polo, to otieno duto ne otelonigi gi mach maliel.

Zaburi 99:7

Ne owuoyo kodgi gi e siro mar bor polo. Bang’e ne girito chike kod buche mane omiyogi.

Wuok 10:10

Farao nowachonigi niya, “Nyasaye mondo okonyu ka po ni ayienu udhi kaachiel gi mondu kod nyithindu! Nyaka bed ni uchano timo gimoro marach.

Wuok 16:10

Kane Harun pod wuoyo gi jo-Israel, ne ging’iyo yo ka thim, kendo ne gipo ka duong’ maler mar Ruoth Nyasaye othinyore e bor polo.

Wuok 32:1

Kane ji oneno ni Musa osedeko e got, kapok olor piny, ne gichokore kuom Harun, mi giwachone niya, “Bi ilosnwa nyasaye mondo otelnwa, nikech wakia gima osetimo ng’at ma Musano, mane ogolowa e piny Misri.”

Wer Mamit 3:6

Mano ang’o mawuok e thim ka iro madhuolore, machalo ich ubani miwang’ono, kata machalo poda ma johala kelo?

Kwan 10:34

Bor polo mar Ruoth Nyasaye ne ochung’ e wigi godiechieng’ ka gin e wuoth.

Kwan 14:14

kendo gibiro nyiso jo-Kanaan kamano. Gin bende koro gisewinjo ni idak e dier jogi, kendo ni gineni wang’ gi wang’. Ging’’eyo bende ni bor polo mari ochung’ ewi jo-Israel, ka itelonigi e siro mar bor polo godiechieng’, to gotieno itelonigi e siro mar mach.

Rapar mar Chik 1:33

mane telo nyimu mondo ong’inu kuonde mane unyalo bworoe. Gotieno notelo nyimu kobet ei mach, mondo onyisu kuma onego uluw, to godiechieng’ notelonu kobet e bor polo.

Rapar mar Chik 31:8

Ruoth Nyasaye owuon biro teloni, kendo nobed kodi. Ok noweyi, bende ok nojwang’i, omiyo kik ibed maluor, kendo kik chunyi nyosre.”