Wuok 13:18 - MUMA MALER 2015

¹⁸ Omiyo kar luwo yorno to Nyasaye notelonigi e yo maluoro maluwo thim kochomo Nam Makwar. Jo-Israel noa Misri koikore ni lweny.

Motingʼo Loko Manyien

¹⁸ Omiyo Nyasaye notelonegi ma giluwo yo malworo thim mochomo Nam Makwar. Jo-Israel nowuok e piny Misri ka oikore ne lweny.

Wuok 13:18 ပူးပေါင်းရင်းမြစ်များ

Chakruok 50:25

Bang’ mano nomiyo yawuot Israel okuong’ore kowachonigi niya, “Kuong’reuru ni ndalo ma Nyasaye nokonyue, mi ua ka, to nyaka ukaw chokena udhigo.”

Zaburi 107:7

Ne otelonigi e yo mochikore tir, nyaka ne gichopo e dala ma ginyalo dakie.

Zaburi 136:16

Bang’e ne otelo ni joge e thim. Herane mosiko ochwere.

Zaburi 68:8

piny noyiengni, kendo polo nomiyowa koth, nikech biro mari, yaye Nyasach Israel.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 14:2

“Nyis jo-Israel mondo odog obwor e nyim Pihahiroth, e kind Migdol gi nam, yo wuok chieng’ mar Baal-zefon. Bworuru e dho nam, kama omanyore gi dalano.

Wuok 14:9

Jo-Misri nolawogi gi farese Farao duto gi geche mag lweny gi joidh faresene, kaachiel gi joge mag lweny, mi gijukogi ka gibworo e dhonam but Pihahiroth, yo wuok chieng’ mar Baal-zefon.

Rapar mar Chik 17:16

Kik ruodhno bed gi farese mang’eny, to bende kik oor jo-Israel Misri mondo oomne farese moko ni eka omed bedo gi farese mang’eny, nimar Ruoth Nyasaye nokwerou ni kik udog kuno kendo ngang’.

Rapar mar Chik 32:10

Noyudo ogandano e thim malich ma ondiegi rutoe, mi nolworogi koni gi koni, moritogi maber.

Joshua 1:14

Mondu gi nyithindu kod jambu nyalo dong’ e piny mane Musa omiyou yo wuok chieng’ mar aora Jordan, to un jolweny nyaka uidh loka, kutelo e nyim jo-Israel weteu, mondo ukonygi kedo.

Joshua 4:12

Jo-Reuben gi jo-Gad kod jo-Manase konchiel ema nong’ado aora kotelo ni jo-Israel, ka giikore ni lweny kaka Musa nosewachonigi.

Joshua 4:13

Ji alufu mia ang’wen moikore ni lweny nong’ado aora e nyim Ruoth Nyasaye ka giidho loka nyaka paw Jeriko mondo gikedi.