Wuok 13:15 - MUMA MALER 2015

¹⁵ Kane Farao otamore weyowa mondo waa, Ruoth Nyasaye nonego nyithindo makayo duto, mag dhano gi mag jamni, e piny Misri. Mano emomiyo watimo ni Nyasaye misango gi nyithind jamni machwo makayo duto, to wawaro nyithindwa makayo kwachiwo gik moko kargi.

Motingʼo Loko Manyien

¹⁵ Kane Farao kuom wich teko mare otamore weyowa mondo wadhi, Jehova Nyasaye nonego nyithindo makayo duto mag dhano gi mag jamni, e piny Misri. Ma emomiyo atimo ne Jehova Nyasaye misango gi nyithind jamni machwo makayo, to wawaro yawuotwa kwachiwo gik moko kargi.’

Wuok 13:15 ပူးပေါင်းရင်းမြစ်များ

Zaburi 105:36

Ne onego nyithindo machwo makayo duto, ma yawuot Misri mabeyoe moloyo.

Wuok 12:29

E dier otienono tir, Ruoth Nyasaye nonego nyithindo ma yawuowi makayo duto, chakre kach ruoth Farao nyaka kach ng’at motue e jela, kaachiel gi nyithindo makayo duto mag jamni.

Wuok 3:19

Chutho to, ang’eyo ni ruodh Misri ok nowe udhi, mak mana kochune.

Wuok 34:20

To ngima kanyna makayo unyalo waro gi nyarombo, to ka ok udwar ware, to nyaka tur ng’ute. Ng’ato ka ng’ato nyaka war ngima wuode makayo, kendo onge ng’at ma nobi ira gi lwete nono.

Wuok 4:23

Nawachoni ni mondo iwe wuoda odhi olama, to nidagi, omiyo koro abiro nego wuodi makayo.’ ”

Kwan 18:15

“Nyithindo makayo duto michiwo ni Ruoth Nyasaye nobed mau, bed ni gin mag dhano kata mag le. To nyaka war nyitnindo duto makayo mag dhano kod mag le ma ok ler.

Kwan 3:46

To jo-Israel machwo makayo ng’eny moloyo jo-Lawi gi ji mia ariyo kod piero abiriyo gadek,