Wuok 13:14 - MUMA MALER 2015

¹⁴ Ka chieng’ moro yawuotu penjou ni, ‘Ere tiend gima utimoni?’ To nyaka uduokgi niya, ‘Ruoth Nyasaye nogolowa gi tekone maduong’ e piny Misri, kuma ne wabedoe wasumbini.

Motingʼo Loko Manyien

¹⁴ “E kinde mabiro, ka wuodi nopenji ni, ‘Ma to nyiso angʼo?’ To nyise ni, ‘Jehova Nyasaye nogolowa e piny Misri gi lwete maratego kama ne wabede wasumbini.

Wuok 13:14 ပူးပေါင်းရင်းမြစ်များ

Chakruok 30:33

To bang’e inyalo neno ane kaka asebedo jaadiera. Ka ibiro nono jamba, mineno ka an gi diel moro ma ok rabok kata rang’ech, kata rombo ma ok rateng’ to kara mano nobed gima okwal.”

1 Weche mag Ndalo 16:12

Paruru honni gi timbe madongo mosetimo, kaachiel gi buche moseng’ado.

Nehemia 1:10

A Ruoth Nyasaye, jo-Israel gin jotichni kendo jogo misewaro gi tekoni kod badi motegno.

Zaburi 136:11

Ne ogolo jo-Israel e piny Misri. Herane mosiko ochwere.

Zaburi 145:4

Gima isetimo tienge gi tienge nopaki, ka gihulo timbeni madongo.

Zaburi 78:4

Ok wanapandgi ni nyithindwa, to wananyis tieng’ mabiro teko Nyasaye gi timbene madongo, kod gik malich miwuoro ma osetimo.

Wuok 10:2

kendo mondo unyis nyithindu gi nyikwau e ndalo mabiro kaka nene afuwo jo-Misri gi honnigo. Kamano unung’e ni an e Ruoth Nyasaye.”

Wuok 12:41

To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Wuok 13:3

Musa nowacho ni jo-Israel niya, “Nyaka upar odiechieng’ ma uwuokie Misrini, nikech Ruoth Nyasaye ogolou gi tekone maduong’ e piny mane ubedoe wasumbini. Makati moketie thowi ok onego cham kawuono,

Wuok 13:8

Odiechieng’no nyaka unyis yawuotu niya, ‘Ma ema waparogo gima Ruoth Nyasaye notimonwa kwawuok Misri.’

Wuok 13:9

Raparni nyaka bed ka kido e lwetu, kendo ka ranyisi e lela wang’u mondo usik kuwacho chik Ruoth Nyasaye e dhou, nimar Ruoth Nyasaye nogolou Misri gi tekone maduong’.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 6:1

Ruoth Nyasaye nowacho ni Musa niya, “Koro ibiro neno gima abiro timo ni Farao. Abiro chune mondo owe jo-Israel odhi. Adier abiro chune ni nyaka oriembgi e pinye.”

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Jeremia 34:13

ma Nyasach Israel nowachoe ni Jeremia niya, “Ne atimo singruok gi kwereni kane aresogi mi agologi Misri e tich wasumbni. Ne awachonigi niya,

Daniel 9:15

“Ruoth Nyasachwa, ne inyiso tekoni kuom golo jogi e piny Misri, kendo imiyo nyingi obedo gi huma ma pod osiko nyaka chil kawuono. Wan waseketho, kendo wasetimo richo.

Tich Joote 13:17

Nyasaye ma Nyasach jo-Israelgi noyiero kwerewa, moloko oganda motegno e ndalo mane gin jodak e piny Misri. Bang’e nogologi kuno gi tekone maduong’,

Rapar mar Chik 5:15

Paruru malong’o ni un uwegi ne un wasumbni e piny Misri, to Ruoth Nyasaye ma Nyasachu nogolou kuno gi teko mathoth kod bat morie. Mano emomiyo Ruoth Nyasaye ma Nyasachu nochikou ni mondo urit Sabato.

Rapar mar Chik 5:6

“ ‘An e Ruoth Nyasaye ma Nyasachu ma nogolou e piny Misri kuma ne ubedoe wasumbini.

Rapar mar Chik 6:12

to kik wiu wil gi Ruoth Nyasaye mane ogolou e piny Misri, kuma ne ubedoe wasumbni.

Joshua 22:24

Ne watimo kamano nikech dipo ka chieng’ moro nyikwau owacho ni nyikwawa niya, ‘Ere gima omiyo uluongoru ni jo-Ruoth Nyasaye ma Nyasach Israel?

Joshua 24:17

Ruoth Nyasaye ma Nyasachwa ema nogolo kwerewa kod wan bende e piny Misri kuma ne wabedoe wasumbini, kendo ne waneno honni ma notimo. Noritowa kamoro amora mane wadhiye, kendo e kind ogendini mane wawuothoe.

Joshua 4:6

Kitego nobednu ka rapar e ndalo mabiro, kendo ka nyithindu nopenju ngechgi,

Jong’ad Bura 2:12

Ne giweyo Ruoth Nyasaye ma Nyasach kweregi mane ogologi Misri, mi giluwo nyiseche mamoko mag ogendini mane gidakgo. Ne gilamo nyisechego, mi gimiyo Ruoth Nyasaye mirima.

Jong’ad Bura 6:8

Ruoth Nyasaye nooronigi janabi mowachonigi niya, “Ruoth Nyasaye ma Nyasach Isarel owacho ni, ‘Nagolou e piny Misri kuma ne unie wasumbini,